قاڭتار وقيعاسىندا وققا ۇشقان جانسەيىت تۇيمەبايەۆتىڭ ۇلىنىڭ ىسىنە قاتىستى جاڭا دەرەك شىقتى

استانا. قازاقپارات - قازاق ۇلتتىق ۋنيۆەرسيتەتىنىڭ رەكتورى جانسەيىت تۇيمەبايەۆتىڭ ۇلىنا قاتىستى ىستە كۋاگەرلەردەن جاۋاپ الىندى.

ونىڭ ۇلى قاڭتار وقيعاسىندا وققا ۇشقان ەدى، - دەپ حابارلايدى Almaty.tv.

دۇربەلەڭدەگى ولىمگە اسكەري دەسانتتى شابۋىلداۋشى بريگادانىڭ جاۋىنگەرى كۇدىكتى دەپ تانىلعان. الايدا ونىڭ ادۆوكاتى مەن تۋىستارى كىنانى ايعاقتايتىن دالەلدىڭ جوعىن ايتتى. وتىرىستا جاۋاپ بەرگەن كۋاگەرلەر دە 33 جاستاعى ەر ادام بىرەۋدى جازىم قىلدى دەگەن اقپاراتتى راستامادى. ءۇش بالانىڭ اكەسى سەرىكبول مۇراتحان بىلتىر كۇزدە قاماۋعا الىنعان. سوت ونى ءۇي قاماققا جىبەرۋ تۋرالى ءوتىنىشتى قاناعاتتاندىرمادى. كۇدىكتىنىڭ تۋىستارى تەرگەۋدىڭ ءادىل بولعانىن قالايدى.

«وتىزدان اسا كۋاگەر كەلدى. ءبارى 90 پايىز كىناسىز ەكەنىن دالەلدەپ بەرىپ ەدى. ارتىندا ەكى بالاسى بار، ايەلى ءۇشىنشىسىن بوساندى. بۇل - ادام قۇقىعىن شەكتەپ، قۇندىلىقتان ايىرۋ»، - دەدى كۇدىكتىنىڭ تۋىسى جانات قۋانىشحان.

ەسكە سالايىق، جانسەيىت تۇيمەبايەۆتىڭ ۇلى ەلنار 2022-جىلى 11- قاڭتاردا الماتىداعى جاپپاي تارتىپسىزدىك كەزىندە قايتىس بولعان. ەلناردىڭ كولىگىنە بەلگىسىز بىرەۋلەر وق جاۋدىرعان. سالدارىنان ول وقيعا ورنىندا قازا بولعان. وقيعا ساتبايەۆ كوشەسىنە جەتپەي نازاربايەۆ كوشەسىنىڭ بويىندا بولعان.