بۇگىن وسكەمەننەن الماتىعا ۇشۋى ءتيىس ۇشاق ءبىر تاۋلىككە كەشىگىپ جاتىر
«30- مامىر كۇنى ساعات 13:15 تە ورىندالۋى ءتيىس kc7172 وسكەمەن - الماتى رەيسى وندىرىستىك قاجەتتىلىككە بايلانىستى كەشىكتىرىلدى. رەيس 31- مامىر ساعات 10:00 دا ۇشادى دەپ جوسپارلانىپ وتىر. وعان وسكەمەن قالاسىنداعى اۋەجايدىڭ تۇنگى ۋاقىتتا جۇمىس ىستەمەۋى سەبەپ بولدى»، - دەلىنگەن كومپانيانىڭ Telegram ارناسىندا جاريالانعان حابارلامادا.
FlyArystan-نان مالىمدەگەندەي، وندىرىستىك ولقىلىقتى جويۋ ءۇشىن ەڭ جاقىن رەيسپەن وسكەمەنگە ينجەنەر مامان جىبەرىلمەك.
«بۇل رەيستىڭ جولاۋشىلارى قوناق ۇيگە ورنالاستىرىلادى. وعان دەيىن كولىك ۇيىمداستىرىلعان. سۋسىندار مەن ىستىق تاماق سول جەردە بەرىلەدى»، - دەپ جازىلعان حابارلامادا.
ايتا كەتەيىك، زاڭ تالابى بويىنشا رەيس 2 ساعاتتان ارتىق كەشىكتىرىلگەن كەزدە جولاۋشىلارعا سۋسىندار، 5 مينۋتتان اسپايتىن 2 تەلەفون قوڭىراۋىن نەمەسە 2 ەلەكتروندى پوشتا حابارلاماسىن جولداۋ مۇمكىندىگى ۇسىنىلادى.
ال 4 ساعاتتان ارتىق كەشىكتىرىلگەندە ىستىق تاماق بەرىلەدى.
5 ساعاتتان اسا كەشىكتىرگەندە ءبىر رەت تەگىن اۋە بيلەتىنىڭ ۋاقىتىن وزگەرتۋ مۇمكىندىگى ۇسىنىلادى.