قازاقستان ماۋسىمنان باستاپ تىڭايتقىشتىڭ ەكى ءتۇرىن ەكسپورتتاۋعا تىيىم سالدى
«قازاقستان رەسپۋبليكاسىنىڭ اۋماعىنان امموفوس (ەۋرازيا ەكونوميكالىق وداعى سىرتقى ەكونوميكالىق قىزمەتىنىڭ ءبىرىڭعاي تاۋارلىق نومەنكلاتۋراسىنىڭ كودى 3105590000) جانە امموني نيتراتىن (ەۋرازيا ەكونوميكالىق وداقتىڭ سىرتقى ەكونوميكالىق قىزمەتىنىڭ ءبىرىڭعاي تاۋارلىق نومەنكلاتۋراسىنىڭ كودى 3102309000) اۆتوموبيل كولىگىمەن اكەتۋگە التى اي مەرزىمگە تىيىم سالىنسىن» دەلىنگەن ءمينيستردىڭ بۇيرىعىندا.
ەكسپورتتىق شەكتەۋدى ىسكە اسىرۋ مەن قاداعالاۋ يندۋستريالىق دامۋ كوميتەتى، مەملەكەتتىك كىرىستەر كوميتەتى مەن ۇلتتىق قاۋىپسىزدىك كوميتەتىنىڭ شەكارا قىزمەتىنە جۇكتەلەدى.
بۇيرىق 9- ماۋسىمنان باستاپ رەسمي كۇشىنە ەنەدى.
قوسا كەتسەك، يندۋستريا جانە ينفراقۇرىلىمدىق دامۋ ءمينيسترىنىڭ بۇيرىعىمەن كەشە قازاقستاننان كومىر مەن ليگنيتتى اۆتوكولىكپەن اكەتۋگە جارتى جىلعا تىيىم سالىنعان ەدى.