ساراڭ جىگىتتىڭ بەس بەلگىسى

استانا. قازاقپارات - قازىرگى زاماندا قىزدار سۇيىكتى سۋسىنىن وزدەرى ساتىپ الا الادى جانە ءتىپتى، باسقا ەلگە ساياحاتتاپ كەلە الادى. دەسە دە، ءاربىر ايەل جانىنان ادال ءارى جومارت ەر ادامدى كورگىسى كەلەدى.

ەر ادامنىڭ ساراڭ ەكەنىن قانداي بەلگىلەردەن بىلۋگە بولادى؟

وزىنە اقشا قيمايدى

ەگەر ەر ادام وزىنە اقشا قيماسا، گاردەروبىن كوپ جىل بويى جاڭارتپاسا، دارىگەرلەرگە، دەمالىسقا، ءدامدى تاماقتان جانە اسا قاجەتتى زاتتاردان ۇنەمدەسە، بۇل ونىڭ ساراڭدىعىن كورسەتۋى مۇمكىن. ارينە، ول قانداي دا ءبىر قيىندىققا ۇشىراعان بولۋى دا مۇمكىن. ءبىراق ەگەر ونىڭ قارجىلىق جاعدايى جاقسى بولا تۇرا، ول ۇنەمى ساپالى كيىمگە، جاقسى تاماققا نەمەسە جايلى پاتەرگە اقشا قۇرتقىسى كەلمەسە، بۇل ونىڭ ساراڭدىعىن كورسەتۋى مۇمكىن.

ۇنەمى «قىمبات»، «بۇل اقشانى بەكەرگە قۇرتۋ» دەگەن سوزدەر ايتادى

ول اينالادا ءبارى قىمباتتاپ جاتقانىن جانە تۋىستارى مەن دوستارىنىڭ اقشانى دۇرىس جۇمسامايتىندارىن ءجيى ايتادى. اقشاسى جوق ەر ادامدى عانا ساراڭ دەپ ايتۋعا كەلمەيدى. كەي ەر ادامدار قوماقتى اقشامەن ءوزىن جاقسى سەزىنەدى، سوندىقتان كوبىنە ونى جۇمساماۋدىڭ امالدارىن جاساۋى مۇمكىن.

سىيلىق بەرمەيدى

ارينە، بارلىق ەر ادامدا بىردەي ءوزىنىڭ سۇيىكتىسىنە قايتا-قايتا سىيلىق جاساۋعا مۇمكىندىك جوق. الايدا كەز كەلگەن ايەلگە ەر ادامنىڭ نازارى ماڭىزدى. ەگەر ەر ادام سۇيىكتىسىنىڭ تۋعان كۇنىنە، ەستەلىك كۇندەردە جانە وتباسىلىق مەرەكەلەردە توسىنسىي جاساۋعا نەمەسە جاعىمدى سىيلىق الۋعا اقشا قۇرتقىسى كەلمەسە، ول ونىڭ ساراڭدىعىن كورسەتۋى مۇمكىن. ەگەر سەرىگىڭىز سىيلىققا اقشا جۇمساۋدىڭ ءمانى جوق دەپ ويلايتىنىن اشىق ايتسا، ءسىز ءۇشىن سىيلىق الۋدىڭ ماڭىزدىلىعىن ءتۇسىندىرىڭىز.

ءسىزدىڭ ۋاقىتىڭىز بەن رەسۋرسىڭىزدى پايدالانىپ، ۇنەمدەگىسى كەلەدى

ساراڭ ەر ادامدار ادەتتە ەڭ قاجەتتى تۇرمىستىق زاتتاردىڭ وزىنەن ۇنەمدەگىسى كەلەدى. مىسالى، ول ءسىزدىڭ ۋاقىتىڭىز بەن كۇشىڭىزدى از جۇمساۋعا كومەكتەسەتىن تۇرمىستىق زاتتاردى ساتىپ الۋدىڭ قاجەتى جوق دەپ ويلاپ، ونىڭ ورنىنا ءوزىڭىز جاساي بەرۋىڭىزدى سۇرايدى.

ءوز اقشاڭىزدى قالاي جۇمساعانىڭىزعا سوگىس ايتادى

ساراڭ ەر ادام ءسىزدىڭ ءوز ەڭبەگىڭىزبەن تاپقان اقشاڭىزدى جۇمساعانىڭىز ءۇشىن سوگىس ايتادى. ول ءوزىنىڭ نارازىلىعىن ءجيى بىلاي تۇسىندىرەدى: «سەنىڭ شىعىنىڭ ءوزىن اقتامايدى» نەمەسە «سەن ساتىپ العان ءونىم، زات نەمەسە كۋرستىڭ پايداسى جوق». مۇنداي جاعدايدا ءسىز ساتىپ العان زاتتار جۇيەلى تۇردە جانجالدىڭ سەبەبىنە اينالادى.

massaget.kz