ءتيىستى دايارلىعى جوق ادامدار مەكتەپتەردى كۇزەتۋگە تارتىلىپ جاتىر - مينيسترلىك

None
استانا. قازاقپارات - قازاقستان اۋماعىندا 10 مىڭنان اسا ءبىلىم بەرۋ نىسانى تەكسەرىلدى. بۇل تۋرالى وقۋ-اعارتۋ ۆيتسە-ءمينيسترى ەدىل وسپان ايتتى، دەپ حابارلايدى قازاقپارات ءتىلشىسى.

«بيىلعى ءبىرىنشى توقساندا ءبىلىم بەرۋ نىساندارىن كەشەندى قاۋىپسىزدىك جۇيەسىمەن قامتاماسىز ەتۋدىڭ جاي-كۇيىن زەردەلەۋ بويىنشا مونيتورينگ جۇرگىزىلدى. رەسپۋبليكا بويىنشا 162 مونيتورينگتىك توپ جۇمىس ىستەدى. مونيتورينگ بارىسىندا 10 مىڭنان اسا ءبىلىم بەرۋ نىسانى تەكسەرىلدى (10061 ءبىلىم بەرۋ ۇيىمى: 2654 بالاباقشا، 6935 مەكتەپ جانە 472 كوللەدج)»، - دەدى ە. وسپان ماجىلىستە مەكتەپكە دەيىنگى جانە ورتا ءبىلىم بەرۋ ۇيىمدارىنداعى قاۋىپسىزدىك جۇيەلەرى تاقىرىبىنا ارنالعان دوڭگەلەك ۇستەل وتىرىسىندا.

ونىڭ ايتۋىنشا، مونيتورينگ جۇرگىزگەن توپتار ءتيىستى تالاپتار مەن ەرەجەنى ساقتاماعان نىسانداردى انىقتادى.

«بىرىنشىدەن، بەينەباقىلاۋ كامەرالارىنىڭ تەحنيكالىق تالاپتارعا سايكەس كەلمەۋى سەكىلدى دەرەكتەر بەلگىلى بولدى. ەكىنشىدەن، وقۋشىلارى كوپ جانە ءىرى قالالاردا ورنالاسقان ءبىلىم بەرۋ ۇيىمدارىندا ليتسەنزيالانعان كۇزەتتىڭ قامتاماسىز ەتىلمەۋى انىقتالدى. سونىمەن قاتار، جەكەلەگەن اۋدانداردا ليتسەنزيالانعان كۇزەت اگەنتتىكتەرىنىڭ بولماۋى ماسەلەسى دە بار. ۇشىنشىدەن، كۇزەت اگەنتتىكتەرى ءتيىستى دايارلىعى جوق ادامداردى ءبىلىم بەرۋ ۇيىمدارىن كۇزەتۋگە تارتىپ جاتادى. تورتىنشىدەن، كەيبىر جاعدايدا دابىل تۇيمەلەرى مەن بەينەكامەرالاردى ىشكى ىستەر ورگاندارىنىڭ جەدەل باسقارۋ ورتالىقتارىنا قوسۋعا مۇمكىندىك بولمايدى، سەبەبى ينتەرنەت جىلدامدىعى تىم ناشار»، - دەدى ۆيتسە-مينيستر.

بۇدان بۇرىن حابارلانعانداي، 2020-جىلمەن سالىستىرعاندا جەدەل باسقارۋ ورتالىقتارىنا قوسىلعان ءبىلىم بەرۋ ۇيىمدارىنىڭ سانى 11 ەسەگە (2020 ج. – 500، 2023 ج. - 5588) ارتتى.

سوڭعى جاڭالىقتار