قازاقستاندىق ستۋدەنتتەر قىتايدا وتكەن الەمدىك ا ك ت- بايقاۋىندا جەڭىسكە جەتتى
شىنجىن قالاسىندا وتكەن بايقاۋدىڭ قورىتىندى كەزەڭىندە قازاقستاننان 2 كوماندا قاتىستى: حاتۋ، ءال-فارابي اتىنداعى قاز ۇ ۋ جانە عۇماربەك داۋكەيەۆ اتىنداعى اەجبۋ ستۋدەنتتەرىنىڭ كومانداسى Network Track باعىتىندا ءبىرىنشى ورىندى، ال عۇماربەك داۋكەيەۆ اتىنداعى ا ە ج ب ۋ ستۋدەنتتەرىنىڭ كومانداسى Cloud Track باعىتىندا ءۇشىنشى ورىندى يەلەندى، دەپ حابارلايدى قازاقپارات.
«74 ەلدىڭ ىشىنەن قازاقستان دەگەندە بۇل ەستەن كەتپەس ءسات بولدى. جەڭىسكە جەتۋ ءۇشىن ءبىز كوپ دايىندالدىق، بار كۇشىمىزدى سالدىق. ارينە، تاپسىرمالار وتە قيىن بولدى، ءبىراق ءبىز بارلىق ءبىلىمىمىزدى قولدانۋعا تىرىستىق»، - دەپ ءبولىستى Huawei ICT Competition فينالىندا ءبىرىنشى ورىن العان كوماندانىڭ ستۋدەنتى ايدا بەگايداروۆا.
دودا 2015-جىلدان بەرى وتكىزىلىپ كەلەدى. قازىرگى جەتىنشى بايقاۋعا الەمنىڭ 74 ەلى مەن ايماعىنان 2000 ۋنيۆەرسيتەت پەن كوللەدجدەن 120000 نان استام ستۋدەنت قاتىستى. 146 كوماندا، 36 ەل مەن ايماقتان 429 ستۋدەنت ۇلتتىق جانە ايماقتىق جارىستاردان كەيىن جاھاندىق فينالعا قاتىسۋ ءۇشىن قىتايعا باردى. ولاردىڭ كوپشىلىگى - ۋنيۆەرسيتەتتەردە اشىلعان Huawei ا ك ت اكادەميالارىنىڭ مۇشەلەرى. ءبىلىم بەرۋ جوباسى جىل سايىن 200000 ادامدى وقىتادى جانە ستۋدەنتتەر سانىن 5 ەسە كوبەيتۋدى جوسپارلاپ وتىر.
مەملەكەت باسشىسى قاسىم-جومارت توقايەۆتىڭ 2025-جىلعا قاراي 100 مىڭ قازاقستاندىق IT- مامانداردى دايارلاۋ ستراتەگياسى شەڭبەرىندە Huawei Technologies Kazakhstan تەحنيكالىق مامانداندىرۋ ستۋدەنتتەرىن دايارلاۋ جانە وتاندىق كادرلاردى قولداۋ ءۇشىن بۇكىل قازاقستان بويىنشا ا ك ت- اكادەميالار جەلىسىن دامىتۋدا.
«جاھاندىق جارىستارعا قاتىسۋ ءۇشىن وتە اۋقىمدى ماتەريالدى ءبىلۋ كەرەك: ول دەگەنىمىز بۇلتتى تەحنولوگيالار، ۇلكەن دەرەكتەردى وڭدەۋ جانە جاساندى ينتەللەكت»، - دەپ اتاپ ءوتتى Huawei ا ك ت اكادەمياسىنىڭ باپكەرى ۆيكتور تايلاكوۆ.
ا ك ت سالاسىنداعى Huawei بايقاۋى بۇكىل الەم بويىنشا ا ك ت اكادەمياسىنا تۇسكىسى كەلەتىن Huawei اكادەميالارى مەن جوعارى وقۋ ورىندارىنىڭ ستۋدەنتتەرىنە باعىتتالعان. بايقاۋ ارقىلى Huawei ستۋدەنتتەرگە باسەكەلەستىك پەن يدەيالارمەن ءبولىسۋ پلاتفورماسىن ۇسىنۋعا ۇمتىلادى، وسىلايشا ولاردىڭ ا ك ت سالاسىنداعى ءبىلىمى مەن پراكتيكالىق داعدىلارىن كەڭەيتەدى، سونىمەن قاتار جاڭا تەحنولوگيالار مەن پلاتفورمالاردى پايدالانۋ ارقىلى يننوۆاتسيالارعا دەگەن قابىلەتتەرىن ارتتىرادى.
«اكادەميالارعا جانە بايقاۋعا قاتىسۋ بارلىعىنا تولىعىمەن تەگىن. ءبىز ءۇشىن ەڭ الدىمەن مامانداردى دايارلاۋ ماڭىزدى. ەكىنشىدەن، ءار ەل سيفرلىق ەكونوميكانى قۇرۋدا. بۇل ءۇشىن تەحنيكالىق داعدىلار قاجەت. وسى بايقاۋ ارقىلى ءبىز ءار ەل مەن ايماق ءۇشىن بىلىكتى كادرلار دايىنداعىمىز كەلەدى»، - دەپ اتاپ ءوتتى Huawei EBG جاھاندىق سەرىكتەستىكتەر مەن ساتىلىمداردى دامىتۋ دەپارتامەنتىنىڭ پرەزيدەنتى سياو حايتسزيۋن.