قازاقستاندا اتوم ەنەرگەتيكاسىن دامىتۋ ستراتەگياسى ازىرلەنىپ جاتىر
بۇل تۋرالى ەنەرگەتيكا ۆيتسە-ءمينيسترى جاندوس نۇرماعانبەتوۆ ايتتى، دەپ حابارلايدى قازاقپارات ءتىلشىسى.
«مينيسترلىككە اتوم سالاسىن دامىتۋ ستراتەگياسى بويىنشا تاپسىرمالار بەرىلدى. ءبىز تاپسىرمانى ورىنداۋعا كىرىستىك. قازىرگى كەزدە ستراتەگيانى دايارلاپ جاتىرمىز. وندا قاۋىپسىزدىك تەحنولوگياسىنا، اتوم سالاسى بويىنشا ناقتى تەحنولوگيانى تاڭداۋ، ەنەرگيا بالانسى قۇرىلىمىندا اتوم گەنەراتسياسى كولەمىنە قاتىستى ماسەلەنى قامتىپ، ولار بويىنشا ءتيىستى جاۋاپتى بەرىپ، قۇجاتتى ۇكىمەتتىڭ قاراۋىنا ەنگىزەمىز»، - دەدى ج. نۇرماعامبەتوۆ ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
بۇدان بۇرىن حابارلانعانداي، بريتاندىق NNWI ورتالىعىنىڭ پرەزيدەنتى تيم يەو ورتالىق ازيانىڭ ەنەرگەتيكا ساياساتىندا ەلەۋلى وزگەرىس بولۋى مۇمكىن ەكەنىن ايتتى.
سونىمەن قاتار بيىل مامىر ايىندا ەلوردادا اتوم ەلەكتر ستانساسىنىڭ قۇرىلىسىنا قاتىستى دوڭگەلەك ۇستەل ءوتتى.
ەۋرازيا ۇلتتىق ۋنيۆەرسيتەتى مەن «قازاقستاندىق اتوم ەلەكتر ستانتسيالارى» ج ش س بىرلەسە ۇيىمداستىرعان ءىس-شارا بارىسىندا ماماندار ا ە س تاقىرىبىن جان-جاقتى تالقىعا سالدى.