الماتى پروكۋراتۋراسى رۇقسات ەتىلمەگەن ميتينگىگە قاتىسقانى ءۇشىن جازا قاراستىرىلعانىن ەسكەرتتى
باسپا ءسوز قىزمەتىنىڭ مالىمەتتەرىنە قاراعاندا، الەۋمەتتىك جەلىلەردە بيىلعى 31- مامىردا جەرگىلىكتى اتقارۋشى ورگاندارمەن كەلىسىلگەن ميتينگىلەر مەن شەرۋلەرگە قاتىسۋ تۋرالى جالعان حابارلامالار مەن ارانداتۋشىلىق ۇندەۋلەر كەڭىنەن تارالۋدا.
بۇل اقپارات شىندىققا سايكەس كەلمەيتىنىن حابارلايمىز.
بۇل كۇندەرى الماتى قالاسىندا قانداي دا ءبىر بەيبىت جينالىستار وتكىزۋ كەلىسىلمەدى.
وسىعان بايلانىستى، جالعان حابارلامالار ارقىلى جاريالانعان اكسيالاردى ۇيىمداستىرۋ جانە ولارعا قاتىسۋ، سونداي-اق ولارعا شاقىرۋ زاڭسىز بولىپ تابىلاتىنىن ەسكەرتەمىز.
وكىنىشكە قاراي، ميتينگىلەردى نەمەسە وزگە دە بەيبىت جينالىستى وتكىزۋدىڭ زاڭدى ءتارتىبىن بىرنەشە رەت تۇسىندىرۋگە قاراماستان، ونى بۇزۋ ورىن الىپ كەلۋدە.
بەيبىت جينالىستاردى وتكىزۋ ءتارتىبى 2020-جىلعى 25- مامىردا قابىلدانعان «قازاقستان رەسپۋبليكاسىندا بەيبىت جينالىستاردى ۇيىمداستىرۋ جانە وتكىزۋ ءتارتىبى تۋرالى» زاڭمەن (بۇدان ءارى - زاڭ) بەكىتىلگەنىنە نازار اۋدارامىز.
تيىسىنشە، زاڭ تالاپتارىن بۇزا وتىرىپ وتكىزىلەتىن ميتينگىلەردى، شەرۋلەردى، جينالىستاردى نەمەسە دەمونستراتسيالاردى ۇيىمداستىرۋ جانە ولارعا قاتىسۋ (زاڭنىڭ 3- بابىنىڭ 3-تارماعى) اكىمشىلىك قۇقىق بۇزۋشىلىق تۋرالى كودەكسىنىڭ 488-بابى بويىنشا جاۋاپتىلىققا، ونىڭ ىشىندە 25 تاۋلىككە دەيىن قاماققا الۋ شاراسىنا اكەپ سوعادى.
زاڭدىلىقتى، قوعامدىق قاۋىپسىزدىكتى قامتاماسىز ەتۋ، قۇقىق بۇزۋشىلىقتاردىڭ الدىن الۋ، ادام مەن ازاماتتىڭ قۇقىقتارى مەن بوستاندىقتارىن قورعاۋ ماقساتىندا قولدانىستاعى زاڭناما نورمالارىن مۇلتىكسىز ساقتاۋعا، ارانداتۋشىلىققا بەرىلمەۋگە جانە زاڭسىز اكسيالاردى، ولارعا جاريا تۇردە شاقىرۋلاردى ۇيىمداستىرۋدان جانە ولارعا قاتىسۋدان باس تارتۋعا شاقىرامىز.
«قۇقىق قورعاۋ ورگاندارى بەلگىلەنگەن قۇقىقتىق تارتىپكە قول سۇعاتىن كەز كەلگەن قۇقىق بۇزۋشىلىقتاردىڭ جولىن كەسىپ، كىنالى ادامدارعا زاڭدا كوزدەلگەن بارلىق شارالاردى قابىلدايتىن بولادى»، - دەلىنگەن پروكۋراتۋرانىڭ حابارلاماسىندا.