زەينەتكەرلەر ءوز جيناقتارىن تولىق پايدالانسا، ب ج ز ق قانشا قاراجات جوعالتۋى ىقتيمال
بۇل باستاماعا قاتىستى قارجى ءمينيسترى ەرۇلان جاماۋبايەۆ پىكىر ءبىلدىردى، دەپ حابارلايدى قازاقپارات ءتىلشىسى.
«بۇل جەردە ماسەلە قانشا جوعالتادى دەگەن ساۋالدا ەمەس. ول جالپى جيناقتاۋشى زەينەتاقى جۇيەسىنەن قاراجات الۋ تاقىرىبىنىڭ جالعاسى. ەگەر تاريحقا ورالساق... ب ج ز ق نە ءۇشىن قۇرىلدى؟ حالىق ءوز اقشاسىن جيناپ، بىرتە-بىرتە ىنتىماقتى جۇيەگە ءوتىپ، بولاشاقتا سودان زەينەتاقىلارىن الۋى ءۇشىن جاسالدى. ەندى ءبىز ليميتتى قايتا قارادىق. قازاقستاندىقتاردىڭ باسىم بولىگىندە از قاراجات قالدى»، - دەدى ەرۇلان جاماۋبايەۆ.
قارجى ءمينيسترى قوردان الىنۋى مۇمكىن قاراجاتتىڭ سوماسى ۇلكەن ەمەستىگىن ايتتى.
«ءبىز ول قوردان از قاراجات الۋ كەرەك ەكەنىن جاقسى تۇسىنەمىز. تۇرعىنداردىڭ الاتىن سوماسى وتە كوپ ەمەس - 3 تريلليون تەڭگەدەن اسادى. دەگەنمەن ءبىرىڭعاي جيناقتاۋشى زەينەتاقى قورىنىڭ تۇراقتى بولعانىن قالايمىن. بىرىنشىدەن، بۇل ءبىزدىڭ جانە بارلىق زەينەتكەرلەردىڭ بولاشاعىنا قاجەت»، - دەپ تولىقتىردى ەرۇلان جاماۋبايەۆ.
ەسكە سالايىق، 1- شىلدەدەن باستاپ الەۋمەتتىك كودەكس اياسىندا ءبىرىڭعاي جيناقتاۋشى زەينەتاقى قورىندا زەينەتاقى جيناقتارى بار ەڭبەك سىڭىرگەن جىلدارى بويىنشا زەينەتكەرلەرگە تۇرعىن ءۇي جاعدايلارىن جاقسارتۋعا نەمەسە ەمدەلۋگە اقى تولەۋگە وزدەرىنىڭ زەينەتاقى جيناقتارىنىڭ بارلىق سوماسىن پايدالانۋعا قۇقىق بەرىلەدى.