وزبەكستان پرەزيدەنتتىگىنە ۇمىتكەرلەر بەلگىلى بولدى
وزبەكستان زاڭناماسىنا سايكەس پرەزيدەنتتىككە كانديدات ۇسىنۋعا تەك ساياسي پارتيالار عانا قۇقىلى. 15-مامىردا وزبەكستاننىڭ ورتالىق سايلاۋ كوميسسياسى ەلدە جۇمىس ىستەيتىن بەس ساياسي پارتياعا الداعى كەزەكتەن تىس پرەزيدەنت سايلاۋىنا قاتىسۋعا رۇقسات بەرۋ تۋرالى شەشىم قابىلداعانى بەلگىلى بولدى.
وزبەكستاننىڭ ليبەرال-دەموكراتيالىق پارتياسى مەن «ميللي تيكلانيش» («ۇلتتىق جاڭعىرۋ») دەموكراتيالىق پارتياسى بىرلەسىپ پرەزيدەنتتىككە كانديدات رەتىندە قازىرگى مەملەكەت باسشىسى شاۆكات ميرزيەيەۆتى ۇسىندى، حالىقتىق-دەموكراتيالىق پارتيا بۇل قىزمەتكە ءوزىنىڭ كوشباسشىسى - ۋلۋگبەك ينوياتوۆتى، ەكولوگيالىق پارتيا - ءتوراعاسى ابدۋشۋكۋر حامزايەۆتى، «ادولات» («ادىلەت») سوتسيال-دەموكراتيالىق پارتياسى - وزبەكستان جوعارعى سوتى ءتوراعاسىنىڭ ءبىرىنشى ورىنباسارى روباحون ماحمۋدوۆتى ۇسىندى.