ەلىمىزدەن مۋمباي، گونكونگ، ۆەنا، توكيو، سينگاپۋر، نيۋ-يورككە اۋە رەيستەرى قاشان اشىلادى
بۇل تۋرالى ۇكىمەت وتىرىسىندا يندۋستريا جنە ينفراقۇرىلىمدىق دامۋ ءمينيسترى مارات قارابايەۆ ايتتى، دەپ حابارلايدى قازاقپارات ءتىلشىسى.
«حالىقارالىق جولاۋشىلار اۆياتاسىمالدارىن دامىتۋ ءۇشىن 2017 -جىلدان باستاپ «open sky» رەجيمى ەنگىزىلدى، ناتيجەسىندە جىل سايىن جاڭا حالىقارالىق مارشرۋتتار اشىلۋدا. بۇگىنگى كۇنى 27 ەلگە 103 اۆيامارشرۋت بويىنشا حالىقارالىق تاسىمالداردى 3 وتاندىق، 26 شەتەلدىك اۆياكومپانيا ورىندايدى، بۇل پاندەمياعا دەيىنگى كورسەتكىشتەردەن جوعارى»، - دەدى مارات قارابايەۆ.
ءمينيستردىڭ اتاپ وتۋىنشە، وسى بيىل 18 جاڭا مارشرۋت اشۋ جوسپارلانىپ وتىر. ونىڭ 9 ى اشىلدى.
«جىل سوڭىنا دەيىن دوحا، كۋالا- لۋمپۋر، انكارا، كاراچي، لاحور، دجيددا، ماسكات، پراگا جانە تەل- اۆيۆكە تاعى 9 جاڭا حالىقارالىق مارشرۋت اشىلادى دەپ جوسپارلاپ وتىرمىز. 2025 -جىلعا دەيىن مۋمباي، گونكونگ، ۆەنا، توكيو، سينگاپۋر، نيۋ- يورك جانە باسقا قالالارعا رەيستەردى اشۋ كوزدەلۋدە»، - دەدى ول.
وسىعان دەيىن قازاقستاننىڭ ۇشۋ قاۋىپسىزدىگى ستاندارتتارىنا سايكەستىك دەڭگەيى 82 پايىزدى قۇراعانىن جازعان بولاتىنبىز.