شىمكەنتتە پوليتسيانىڭ ءبولىم باستىعى مەن تەرگەۋشىگە پارا الدى دەگەن كۇدىك كەلتىرىلىپ وتىر

استانا. قازاقپارات – ق ر سىبايلاس جەمقورلىققا قارسى ءىس- قيمىل اگەنتتىگىنىڭ شىمكەنت قالاسى بويىنشا دەپارتامەنتى اۋداندىق پوليتسيا باسقارماسىنىڭ ءبولىم باستىعى مەن تەرگەۋشىسىنە قاتىستى سوتقا دەيىنگى تەرگەۋ جۇرگىزۋدە.

ق ر سىبايلاس جەمقورلىققا قارسى ءىس- قيمىل اگەنتتىگى شىمكەنت قالالىق دەپارتامەنتى باسپا ءسوز قىزمەتىنىڭ حابارلاۋىنشا، كۇدىكتىلەر الدىن الا ءسوز بايلاسۋ ارقىلى ادامدار توبىمەن جۇبايىنا قاتىستى قاماۋعا الۋمەن بايلانىسى جوق بۇلتارتپاۋ شاراسىن تاعايىنداۋ ءۇشىن قالا تۇرعىنىنان 500 مىڭ تەڭگە كولەمىندە پارا الدا دەگەن كۇدىك كەلتىرىلىپ وتىر.

كۇدىكتىلەر جاساعان قىلمىسىن مويىندادى.

سوتقا دەيىنگى تەرگەپ- تەكسەرۋ جالعاسۋدا. قىلمىستىق- پروتسەستىك كودەكستىڭ 201-بابىنا سايكەس وزگە دە اقپارات جاريا ەتۋگە جاتپايدى.

كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق- پروتسەستىك كودەكسىنىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.