بۇگىنگى كۇننىڭ اۋا رايى بولجامى

استانا. قازاقپارات - اتموسفەرالىق فرونتالدى بولىكتەردىڭ وتۋىمەن قازاقستان اۋماعىنىڭ باسىم بولىگىندە جاڭبىر جاۋىپ، نايزاعاي وينايدى.

ەلدىڭ تەك سولتۇستىك- باتىسىندا، وڭتۇستىك جارتىسىندا جاۋىن- شاشىنسىز كۇن رايى كۇتىلەدى. رەسپۋبليكا بويىنشا ەكپىندى جەل ساقتالادى، باتىستا جانە وڭتۇستىكتە شاڭدى داۋىل سوعادى. قازاقپارات بۇل تۋرالى قازگيدرومەتكە سىلتەمە جاساپ حابارلايدى.

اتىراۋ وبلىسىنىڭ باسىم بولىگىندە، ماڭعىستاۋ، اقتوبە وبلىستارىنىڭ وڭتۇستىگىندە، قوستاناي وبلىسىنىڭ ورتالىعىندا، وڭتۇستىگىندە، باتىس قازاقستان وبلىستارىنىڭ وڭتۇستىك- شىعىسىندا قاتتى ىستىق بولجانادى.

قوستاناي، قىزىلوردا وبلىستارىنىڭ باسىم بولىگىندە، پاۆلودار وبلىسىنىڭ ورتالىعى مەن شىعىسىندا، اتىراۋ، قاراعاندى وبلىستارىنىڭ شىعىسىندا، ۇلىتاۋ وبلىسىنىڭ ورتالىعىندا، اقتوبە وبلىسىنىڭ وڭتۇستىك- باتىسىندا، اباي وبلىسىنىڭ سولتۇستىگىندە توتەنشە ءورت ءقاۋپى ساقتالادى.