اقتاۋ اكىمى حالىقتان كەشىرىم سۇرادى
«قالا اۋماعىندا سۋ ماسەلەسى بار ەكەندىگى بارشاڭىزعا بەلگىلى. سىزدەردىڭ ول ماسەلە بويىنشا نارازىلىقتارىڭىزدى جاقسى تۇسىنەمىن جانە قولايسىزدىقتار ءۇشىن كەشىرىم سۇرايمىن»، - دەپ جازدى ەربول ىزبەرگەنوۆ Facebook-تەگى جەكە پاراقشاسىندا.
اكىمنىڭ ايتۋىنشا، قالادا سۋ كولەمىنىڭ تاپشىلىعى، سۋ قىسىمىنىڭ تومەندىگى، جوعارعى قاباتتارعا سۋ جەتپەۋ ماسەلەلەرى بار.
«ونى جوققا شىعارمايمىز. اسىرەسە جاز مەزگىلىندە سۋدى تۇتىنۋ كولەمىنىڭ ارتۋىنا بايلانىستى ماسەلە كۇردەلەنىپ وتىر.
وزدەرىڭىزگە بەلگىلى، قالانى اۋىز سۋمەن «ماەك» جشس قامتىپ وتىر. قىسقى مەزگىلدە تاۋلىگىنە تۇتىنىلاتىن سۋ كولەمى - شامامەن 34000 م 3 بولسا، جازدا تاۋلىگىنە - 67000 م 3. الايدا «م ا ە ك» 52000 م 3 سۋ كولەمىمەن عانا قامتي الاتىندىقتان، بىزدەگى دەفيتسيت - 15000 م 3»، - دەدى شاھار باسشىسى.
ءمالىم ەتىلگەندەي، قازىرگى تاڭدا ماسەلەنى شەشۋ ءۇشىن جۇمىستار اتقارىلىپ جاتىر.
«2022 -جىلى 9 قاباتتان بيىك ۇيلەردىڭ جوعارعى قاباتتارىنا سۋ جەتكىزۋ ءۇشىن 113 سۋ سورعىش قۇرىلعىسى ورناتىلدى. بۇل جۇمىس ءالى دە جالعاسادى.
«م ا ە ك» اۋماعىندا قۋاتى تاۋلىگىنە 24000 م3 سۋ تۇشىتۋ قوندىرعىلارىن سالۋ بويىنشا جۇمىستار جۇرگىزىلۋدە.
2023 -جىلى جوبانى جۇزەگە اسىرۋعا 10 ميلليارد تەڭگە ماقۇلداندى.
«كاسپيي» سۋ تۇشىتۋ زاۋىتىنىڭ ونىمدىلىگى تاۋلىگىنە - 20000 م3، قازىرگى تاڭدا ونىمدىلىكتى 40000 م3 دەيىن ارتتىرۋ جۇمىستارى جۇرگىزىلىپ جاتىر. زاۋىت بۇگىنگى كۇنى قاراقيا، مۇنايلى جانە اقتاۋ قالاسىنىڭ جىلى جاعاجايىن سۋمەن قامتاماسىز ەتۋدە.
«س ك ستروي مونتاج» ج ش س- ءنىڭ ينۆەستيتسياسىنا قۋاتتىلىعى تاۋلىگىنە 20000 م3 قۇرايتىن سۋ تۇشىتۋ زاۋىتى سالىنۋدا. جىل سوڭىنا دەيىن تاۋلىگىنە 10000 م3 اۋىز سۋ ءوندىرۋ كۇتىلۋدە» ، - دەلىنگەن اكىم پوستىندا.
اقتاۋ قالاسىندا 464 شاقىرىم اۋىز سۋ قۇبىرى بار، ونىڭ %88، ياعني 386 شاقىرىم توزىعى جەتكەندىكتەن ىستەن شىعۋ فاكتىلەرى ارتۋدا. باستى سەبەپ - قالانىڭ اۋىز سۋ جۇيەسىنىڭ قىسىمىن رەتتەيتىن پۋنكتەردىڭ نەمەسە ارنايى قۇرىلعىلاردىڭ بولماۋى. وسىعان بايلانىستى «ك ج س ا» م ك ك اقتاۋ قالاسى بويىنشا قوسالقى كوتەرگىش ستانسيالار ورناتۋ جوسپارلانعان. قازىرگى ۋاقىتتا ساتىپ الۋ بويىنشا كونكۋرس قورىتىندىسى كۇتىلىپ وتىر.
قالا اكىمى سۋعا قاتىستى سۇراقتار تۋىنداعاندا حابارلاسۋعا بولاتىن بايلانىس نومەرلەرىن قالدىردى: IKomek 109؛ «كاسپي جىلۋ، سۋ ارناسى» كەزەكشى نومىرلەرى - 605316؛ 605322؛ 605318 (223).