19:41, 29 - مامىر 2023 | GMT +6
قازاقستانداعى ۋكراينا ەلشىسى قاشان تاعايىندالادى –س ءى م جاۋابى
استانا. قازاقپارات - قازاقستان تاراپى شەشىم قابىلداعاننان كەيىن عانا ۋكراينا ەلشىسى تاعايىندالادى. بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى، دەپ حابارلايدى قازاقپارات ءتىلشىسى.
«قازاقستان تاراپى قاشان شەشىم قابىلدايدى، سول كەزدە ۋكراينا ەلشىسى تاعايىندالادى»، - دەدى ايبەك سمادياروۆ ۆەدومستۆودا وتكەن اپتالىق بريفينگ بارىسىندا ب ا ق وكىلدەرىنىڭ ساۋالىنا وراي.
سونىمەن قاتار، ول قازاقستان تاراپى قاشان شەشىم قابىلدايتىندىعى بەلگىسىز ەكەندىگىن ايتتى.
«حالىقارالىق تاجىريبەدە جانە 1961-جىلعى 18- ساۋىردەگى ديپلوماتيالىق قاتىناستار تۋرالى ۆەنا كونۆەنتسياسىنا سايكەس، تاراپتاردىڭ ءبىر-بىرىنە ەلشى تاعايىنداۋى جابىق پروتسەسس سانالادى. سوندىقتان قاشان، كىمنىڭ تاعايىندالاتىندىعى ەشقاشان ايتىلمايدى»، - دەدى رەسمي وكىل.