يمامدار حالىقتى جات اعىمداردىڭ اسەرىنەن قورعاۋعا ءوز ۇلەسىن قوسىپ ءجۇر - پرەزيدەنت

None
Photo: akorda.kz
استانا. قازاقپارات - ەرلان قارين «يمام - ىزگى قوعام جارشىسى» فورۋمىنا قاتىستى، دەپ حابارلايدى قازاقپارات اقورداعا سىلتەمە جاساپ.

مەملەكەتتىك كەڭەسشى ەرلان قارين «يمام - ىزگى قوعام جارشىسى» اتتى يمامداردىڭ V رەسپۋبليكالىق فورۋمىنا قاتىسىپ، پرەزيدەنت قاسىم-جومارت توقايەۆتىڭ قۇتتىقتاۋ حاتىن وقىپ بەردى.

- ۇلت ساپاسىن جاقسارتامىز دەسەك، رۋحانيات سالاسىنا باسا ءمان بەرۋىمىز كەرەك. مۇفتيات ەل تاعدىرىنا ايرىقشا ىقپال ەتەتىن وسى جاۋاپتى جۇمىسقا بەلسەنە اتسالىسىپ كەلەدى. يمامدارىمىز حالىقتىڭ ءدىني ساۋاتىن ارتتىرۋعا، وسكەلەڭ ۇرپاققا ونەگەلى تاربيە بەرۋگە جانە ونى جات اعىمداردىڭ اسەرىنەن قورعاۋعا ءوز ۇلەسىن قوسۋدا، - دەلىنگەن مەملەكەت باسشىسىنىڭ قۇتتىقتاۋىندا.

ەرلان قارين فورۋمدا ءدىن مەن ءداستۇردىڭ قوعامداعى ماڭىزى جايىندا ايتتى.

ءسوز سوڭىندا حالىقتىڭ بىرلىگى مەن ىنتىماعىن ارتتىرۋ ماڭىزدى ميسسيا ەكەنىن ايتقان ەرلان قارين بارشا ءدىن قىزمەتكەرلەرىن ورتاق مىندەتتى بىرلەسىپ اتقارۋعا شاقىردى.


سوڭعى جاڭالىقتار