زەينەتاقىعا قاتىستى قانداي وزگەرىستەر بولاتىنى ايتىلدى

None
استانا. قازاقپارات - بيىل 1- شىلدەدەن باستاپ ەڭبەك سىڭىرگەن جىلدارى ءۇشىن زەينەتكەرلەر تۇرعىن ءۇي ساتىپ الۋعا نەمەسە ەمدەلۋگە زەينەتاقى جيناقتارىن پايدالانا الادى، - دەپ حابارلايدى قازاقپارات ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتىنە سىلتەمە جاساپ.

ەڭبەك ەتكەن جىلدارى بويىنشا زەينەتكەرلەر www.enpf-otbasy.kz سايتى ارقىلى ب ج ز ق- دا جيناقتالعان قاراجاتتارىن تۇرعىن ءۇي جاعدايىن جاقسارتۋعا پايدالانۋ ءۇشىن ءبىرجولعى زەينەتاقى تولەمدەرىن الۋعا «وتباسى بانكى» تۇرعىن ءۇي قۇرىلىس جيناق بانكى» اق نەمەسە ەكىنشى دەڭگەيدەگى بانكتەرگە جۇگىنە الادى.

ال ەمدەلۋ ماقساتىندا ءبىرجولعى زەينەتاقى تولەمدەرىن پايدالانۋ ءۇشىن جوعارىدا كورسەتىلگەن ينتەرنەت-پلاتفورما ارقىلى «وتباسى بانكى» تۇرعىن ءۇي قۇرىلىس جيناق بانكى» ا ق- عا عانا جۇگىنۋ قاجەت.

مىنا ادامدار وسى قۇقىقتى پايدالانا الادى:

1) ب ج ز ق- دا زەينەتاقى جيناقتارى بار جۇمىس ىستەيتىن ازاماتتار. ولار «تومەنگى جەتكىلىكتىلىك شەگىنەن» اساتىن سومانىڭ ءبىر بولىگىن پايدالانا الادى؛

2) زەينەتاقىسى جوعالعان تابىس سوماسىنىڭ (بۇرىن العان جالاقىسىنىڭ) كەمىندە 40 پايىزى بولاتىن زەينەتكەرلەر. ولار ب ج ز ق- دا قالعان زەينەتاقى جيناقتارى سوماسىنىڭ 50 پايىزىنا دەيىن پايدالانا الادى؛

3) وزىنە زەينەتاقى اننۋيتەتىن رەسىمدەگەن جانە ءالى دە جيناقتارى بار ازاماتتار – ب ج ز ق- دا قالعان زەينەتاقى جيناقتارىنىڭ سوماسى شەگىندە پايدالانا الادى.

بۇل نورما جۇمىس ىستەيتىن ازاماتتاردى دا، زەينەتكەرلەردى دە قامتيدى.

ايتا كەتەيىك، بۇعان دەيىن 2021-جىلعى 1- قاڭتاردان باستاپ ب ج ز ق ازاماتتارعا زەينەتاقى جيناقتارىنىڭ ءبىر بولىگىن تۇرعىن ءۇي جاعدايىن جاقسارتۋ نەمەسە ەمدەلۋگە اقى تولەۋ سياقتى الەۋمەتتىك ماقساتتارعا پايدالانۋ قۇقىعىن بەرگەن ەدى.

سوڭعى جاڭالىقتار