قازاقستاندىق جاس تەننيسشى باكۋدە وتكەن تۋرنيردە ابسوليۋتتى چەمپيون اتاندى
قازاقستان تەننيس فەدەراتسياسىنىڭ باسپا ءسوز قىزمەتىنەن ءمالىم ەتكەندەي، جاقاس قوزىباق اتالمىش جارىستا ابسوليۋتتى چەمپيون اتاندى.
جاقاس فينالدا وتانداسى ۆيتالي زاتسەپيندى جەڭدى - 6:3، 3:0. ەكىنشى پارتيا بارىسىندا جاراقات العان ۆيتالي باسەكەنى جالعاستىرۋدان باس تارتتى.
ج. قوزىباق جۇپتىق سىندا ۆ. زاتسەپينمەن بىرگە تۇرىكتەر بەدير مەن بەيبەليدەن باسىم ءتۇستى - 6:2، 6:2.
وسى دودادا قازاقستاندىق ۋليانا رومانوۆا قىزدار اراسىندا رەسەيلىك كيرا باتايكينامەن بىرگە جۇپتىق سىندا ۇزدىك شىقتى.
سونداي-اق الماتى تەننيس مەكتەبىنىڭ تاربيەلەنۋشىلەرى شولپان-اتا (قىرعىزستان) قالاسىندا وتكەن ITF Juniors جارىسىندا تابىستى ونەر كورسەتتى.
ءساتيما تورەگەن جەكەلەي سىندا العاشقى تيتۋلىنا قول جەتكىزدى. ول فينالدا دودانىڭ ءبىرىنشى راكەتكاسى ىڭكار دۇيسەبايدى قاپى قالدىردى - 7:6، 6:2. ىڭكار دا جەڭىسسىز قالماي، سوفيا يساكوۆامەن بىرگە جۇپتىق سىندا البينا كاكەنوۆا مەن ەۆا كورىشيەۆادان ايلاسىن اسىردى.
بوزبالالار اراسىندا رەسەيلىكتەر تيحون سوروكين - ساۆا رىباكين سوڭعى باسەكەدە قازاقستاندىقتار دامير دۇيسەنعازين - ولجاس ەسەنالىنى ۇتتى - 7:6، 6:1.
الماتىدا تسسكا كورتتارىندا 14 جاسقا دەيىنگىلەر اراسىندا ءۇشىنشى ساناتتاعى Tennis Europe تۋرنيرى، بۇدان ءبىر اپتا بۇرىنعىداي، تولىقتاي قازاقستاندىقتاردىڭ جەڭىسىمەن اياقتالدى.
ەركەجان جاڭاتايەۆا فينالدا ءۇش ساعاتقا جۋىق ۋاقىتقا سوزىلعان تارتىستى ماتچتا لينارا بولەشيەۆانى جەڭدى - 2:6، 7:6، 6:4.
جۇپتىق سىندا سارا حاميتوۆا - ءاديا وماربەك ەۆەلينا بالاگانسكايا - ادەلينا بوريسوۆادان باسىم ءتۇستى.
بوزبالالار اراسىندا ميحايل ميشەنكو ەشكىمدى شاق كەلتىرمەدى. ول جەكەلەي سىندا روديون ترايگەلدەن ۇستەم بولدى - 7:6، 6:3. ال جۇپتىق سىندا مانسۇر سايىنوۆپەن بىرگە روبەرت كامينسكي - ياروسلاۆ پشەنيچنىيدى ءسۇرىندىردى.
ەسكە سالا كەتەيىك، بۇدان بۇرىن جىبەك قۇلامبايەۆانىڭ سەربياداعى تۋرنيردىڭ جەڭىمپازى اتانعانىن جازعان بولاتىنبىز.