الماتىدا جاس قۇتقارۋشىلار جارىسى ءوتتى
كوماندالاردا ۇلدارمەن قاتار قىزدار دا بار، دەپ حابارلايدى قازاقپارات ءتىلشىسى.
سايىس بىرنەشە كەزەڭ بويىنشا ءوتتى. جاس قۇتقارۋشىلار ءورت تەحنيكاسىن جاۋىنگەرلىك ورنالاستىرۋ، زارداپ شەگۋشىگە العاشقى مەديتسينالىق كومەك كورسەتۋ جانە ونى تاسىمالداۋ، سۋدان اسپالى وتكەل ارقىلى ءوتۋ سىندى تاپسىرمالاردى ورىندادى.
«جارىس وتكىزۋ تاجىريبەسى كورسەتكەندەي، جارىسقا قاتىسۋشىلار توتەنشە جاعدايلاردا (جەر سىلكىنىسى، ءورت جانە ت. ب.) دۇرىس ارەكەت ەتۋ، فيزيكالىق جانە پسيحولوگيالىق دايىندىق بويىنشا پراكتيكالىق ءبىلىم الادى. مۇنداي ءىس-شارالار قاجەت بولعان جاعدايدا حالىقتى قورعاۋعا، دۇرىس داعدىلار قالىپتاستىرۋعا، ازاماتتىق كوزقاراس تاربيەلەۋدەگى ەڭ ءتيىمدى ەلەمەنتتەردىڭ ءبىرى»، - دەپ اتاپ ءوتتى الماتى قالالىق توتەنشە جاعدايلار دەپارتامەنتىنەن.
كوماندالىق جارىس قورىتىندىسى بويىنشا، 157№ مەكتەپ ءبىرىنشى ورىندى يەلەندى. ەكىنشى ورىندى 47№ جالپى ءبىلىم بەرەتىن مەكتەپ وقۋشىلارى جەڭىپ الدى، ءۇشىنشى ورىن 59№ مەكتەپ كومانداسىنىڭ قورجىنىنا ءتۇستى. جەڭىمپازدار مەن بارلىق قاتىسۋشىلارعا العىس حات پەن كۋبوك تابىس ەتىلدى. ەندى قالالىق جارىستاردىڭ جەڭىمپازدارى وسى جىلدىڭ ماۋسىم-شىلدە ايىندا كوكشەتاۋ قالاسىندا وتەتىن رەسپۋبليكالىق جارىستا باعىن سىنايتىن بولادى.
