جاياۋ جۇرگىنشىلەر جولاعىمەن جۇرگەن ۆەلوسيپەدشىلەر قانشا ايىپپۇل تولەيدى

None
وسكەمەن. قازاقپارات - شىعىس قازاقستان وبلىسىنىڭ پوليتسەيلەرى ۆەلوسيپەد جولاعى بار كوشەلەردە جاياۋ جۇرگىنشىلەر جولىمەن جۇرگەن ۆەلوسيپەدشىلەرگە ەسكەرتۋ جاساپ جاتىر، دەپ حابارلايدى قازاقپارات ءتىلشىسى.

ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ءتارتىپ ساقشىلارى پروفيلاكتيكالىق ماقساتتا قالا كوشەلەرىن ارالاپ، ۆەلوسيپەدشىلەرگە ءتۇسىندىرۋ جۇمىستارىن جۇرگىزىپ جاتىر. وسكەمەندەگى ەرتىس جاعالاۋىندا ورنالاسقان ۇلى وتان سوعىسى مەموريالى اۋماعىندا ۆەلوسيپەد جولاعى بولسا دا كەيبىرەۋلەر جاياۋ جۇرگىنشىلەرگە ارنالعان جولمەن ءجۇرىپ كەلە جاتقان. ولارعا اۋىزشا ەسكەرتۋ جاسالدى.

«وسىلايشا ۆەلوسيپەدشىلەر سول جەردەگى جاياۋ جۇرگىنشىلەر مەن دەمالۋشىلارعا قولايسىزدىق تۋعىزدى. ولار ق ر جول قوزعالىسى ەرەجەلەرىنىڭ 24.2 تارماعىنا سايكەس تەك ۆەلوسيپەد جولاعىمەن ءجۇرۋى ءتيىس. ءتارتىپ بۇزۋشىلار اكىمشىلىك قۇقىق بۇزۋشىلىق تۋرالى كودەكستىڭ 620-بابى بويىنشا اكىمشىلىك جاۋاپكەرشىلىككە تارتىلادى. بۇل باپقا سايكەس 10350 تەڭگە مولشەرىندە ايىپپۇل قاراستىرىلعان»، - دەلىنگەن اقپاراتتا.

سوڭعى جاڭالىقتار