رەجەپ ەردوعان جەڭىسكە جەتتى - تۇركيا جوعارى سايلاۋ كەڭەسى
«99 پايىزدان استام داۋىستاردى ساناۋ قورىتىندىسى بويىنشا پرەزيدەنت سايلاۋىنىڭ ەكىنشى كەزەڭىندە ءىس باسىنداعى مەملەكەت باسشىسى رەجەپ تاييپ ەردوعان جەڭىسكە جەتتى»، - دەلىنگەن تۇركيا جوعارى سايلاۋ كەڭەسىنىڭ اقپاراتىندا.
جوعارى سايلاۋ كەڭەسىنىڭ ءتوراعاسى احمەت يەنەردىڭ مالىمەتىنشە، 99,43 پايز بيۋللەتەندەردى ساناۋ قورىتىندىسىمەن رەجەپ تاييپ ەردوعان - 52,14 پايىز، كەمال كىلىچداروگلۋ 47,86 پايىز داۋىس جينادى.
ەسكە سالايىق، جەكسەنبى، 28-مامىردا تۇركيادا پرەزيدەنت سايلاۋىنىڭ ەكىنشى كەزەڭى ءوتتى. داۋىس بەرۋ ۋچاسكەلەرى جەرگىلىكتى ۋاقىتپەن ساعات 17.00-دە (استانا ۋاقىتىمەن 20.00-دە) جابىلدى.
14-مامىردا وتكەن سايلاۋدىڭ ءبىرىنشى كەزەڭىندە كانديداتتاردىڭ ەشبىرى 50 پروتسەنت داۋىس جيناي المادى: تۇركيانىڭ ءىس باسىنداعى باسشىسى رەجەپ تاييپ ەردوعان -% 49,52، وپپوزيتسيالىق حالىق- رەسپۋبليكالىق پارتياسىنىڭ كوشباسشىسى كەمال كىلىچداروگلۋ -% 44,88، «اليانس اتا» بلوگىنان كانديدات سينان وگان -% 5,17، «وتان» پارتياسىنىڭ وكىلى مۋحاررەم يندجە % 0,43.
سايلاۋدىڭ ەكىنشى كەزەڭىندە جەڭىسكە جەتۋ ءۇشىن ۇمىتكەرلەر 50 پايىزدان استام داۋىس جيناۋى ءتيىس ەدى.