08:28, 29 - مامىر 2023 | GMT +6
قاسىم- جومارت توقايەۆ رەجەپ تايىپ ەردوعاندى پرەزيدەنت سايلاۋىنداعى جەڭىسىمەن قۇتتىقتادى
استانا. قازاقپارات - مەملەكەت باسشىسى قاسىم- جومارت توقايەۆ رەجەپ تايىپ ەردوعاندى تۇركيادا وتكەن پرەزيدەنت سايلاۋىنىڭ ەكىنشى كەزەڭىندەگى جارقىن جەڭىسىمەن قۇتتىقتادى، دەپ حابارلايدى اقوردانىڭ باسپا ءسوز قىزمەتى.
«ەلدەرىمىزدى تاريحي دوستىق جانە ىنتىماقتاستىق بايلانىستار بىرىكتىرەدى. وسى جان- جاقتى ىنتىماقتاستىق ستراتەگياسى ودان ءارى دامي بەرەدى» دەپ جازىلعان پرەزيدەنتتىڭ Twitter- دەگى قۇتتىقتاۋىندا.
ايتا كەتەيىك، بۇعان دەيىن تۇركياداعى پرەزيدەنتتىك سايلاۋدىڭ ەكىنشى كەزەڭىندە قازىرگى پرەزيدەنت رەجەپ تايىپ ەردوعان جەڭىسكە جەتكەنىن جازعان ەدىك.