تۇركيادا پرەزيدەنت سايلاۋى اياقتالدى
قازاقپارات بۇل تۋرالى تاسسقا سىلتەمە جاساپ حابارلايدى.
ەل ىشىندە جانە وزگە مەملەكەتتەردە بارلىعى 191,8 مىڭ جاشىك ورناتىلدى. سايلاۋ ۋچاسكەلەرى بۇگىن، ساعات 08.00 دە اشىلعان بولاتىن. داۋىس بەرۋ اياقتالىسىمەن تۇركيانىڭ جوعارى سايلاۋ كەڭەسى (ورتالىق سايلاۋ كوميسسياسى) بيۋللەتەندەردى ساناۋعا بىردەن كىرىسەدى. كۇتىلىپ وتىرعانداي، ازداعان ۋاقىتتان سوڭ الدىن الا قورىتىندىنى جاريالاۋعا تىيىم الىناتىن بولادى.
داۋىس بەرۋ قۇقىعىنا ەل ىشىندەگى جانە ودان تىسقارۋ اۋماقتاردا تۇراتىن 64 ميلليون تۇرىك ازاماتى يە. شەت مەملەكەتتەردە سايلاۋ 24- مامىر كۇنى اياقتالدى، بيۋللەتەندەر انكاراعا جەتكىزىلدى. داۋىس بەرۋ اياقتالعان سوڭ ولاردى دا ساناۋ باستالادى.
پرەزيدەنت سايلاۋى رەسپۋبليكانىڭ 81 پروۆينتسياسىندا ايتارلىقتاي قۇقىق بۇزۋشىلىقسىز ءوتتى. ءتارىپتى 600 مىڭنان استام پوليتسيا جانە جاندارمەريا قىزمەتكەرى قاداعالادى.
ءىس باسىنداعى پرەزيدەنت رەجەپ تايپ ەردوعان ىستانبۇلدا داۋىس بەردى. ونىڭ قارسىلاسى، وپپوزيتسيادان كانديدات كەمال كىلىچداروگلۋ ءوز تاڭداۋىن انكارادا جاسادى.
سايلاۋدىڭ ەكىنشى كەزەڭىندە جەڭىسكە جەتۋ ءۇشىن ۇمىتكەرلەر 50 پايىزدان استام داۋىس جيناۋى ءتيىس.
14- مامىردا وتكەن سايلاۋدىڭ ءبىرىنشى كەزەڭىندە كانديداتتاردىڭ ەشبىرى 50 پروتسەنت داۋىس جيناي المادى: تۇركيانىڭ ءىس باسىنداعى باسشىسى رەجەپ تايپ ەردوعان - %49,52، وپپوزيتسيالىق حالىق-رەسپۋبليكالىق پارتياسىنىڭ كوشباسشىسى كەمال كىلىچداروگلۋ - %44,88، «اليانس اتا» بلوگىنان كانديدات سينان وگان - %5,17، «وتان» پارتياسىنىڭ وكىلى مۋحاررەم يندجە %0,43.