اسىل دومبىرا ءۇشىن ايتىستىڭ ىرىكتەۋ كەزەڭى اباي وبلىسىندا ءوتتى

سەمەي. قازاقپارات - اباي اتىنداعى تەاتردا «ASSYL DOMBYRA 2023» رەسپۋبليكالىق اقىندار ايتىسىنىڭ ىرىكتەۋ كەزەڭى ءوتتى، دەپ حابارلايدى قازاقپارات.

دوداعا اباي، سولتۇستىك، شىعىس قازاقستان، الماتى، پاۆلودار، ۇلىتاۋ، جامبىل وبلىستارى مەن استانا، الماتى، شىمكەنت قالالارىنان 16 اقىننان قۇرالعان 8 جۇپ بايگەگە ءتۇستى.

ىرىكتەۋدەن فينالعا - جامبىل وبلىسىنان ايتبەك تۇرسىنبايەۆ پەن قانات مىرزاحان، سولتۇستىك قازاقستان وبلىسىنان حاۆدوللا بەيىسحان، اباي وبلىسىنان ايبەك جەڭىسقازين مەن جاسۇلان ماقايەۆ، ەرەيمەنتاۋدان ەرلان داۋلەت، شىمكەنت قالاسىنان نۇرماحان جاقىپ جانە الماتى وبلىسىنان شىناربەك تۇرسىن جولداما الدى.

بۇل اقىندار 1-2- شىلدە كۇندەرى اقسۋات اۋدانىندا وتەتىن اقتىق مارەدە «اسىل دومبىرا» ءۇشىن باق سىناساتىن بولادى.