رەجەپ تايپ ەردوعان تۇركياداعى پرەزيدەنت سايلاۋىنىڭ ەكىنشى تۋرىندا داۋىس بەردى

ىستانبۇل. انادولى - قازاقپارات - تۇركيا پرەزيدەنتى رەجەپ تايپ ەردوعان مەن ونىڭ جۇبايى ەمينە ەردوعان ەلدە 28- مامىردا ءوتىپ جاتقان سايلاۋدىڭ ەكىنشى تۋرىندا داۋىس بەردى، دەپ حابارلايدى قازاقپارات انادولىعا سىلتەمەمەن.

رەجەپ تايپ ەردوعان مەن ەمينە ەردوعان ىستانبۇلدىڭ ۋسكيۋدار اۋدانىنداعى «ساففەت چەبي» باستاۋىش مەكتەبىنىڭ سايلاۋ ۋچاسكەسىندە داۋىس بەردى.

سايلاۋ ۋچاسكەسىنە ۋسكيۋدار مۋنيتسيپاليتەتىنىڭ باسشىسى حيلمي تۋركمەن، ىستانبۇلداعى باسقارۋشى ادىلەت جانە دامۋ پارتياسىنىڭ ءتوراعاسى وسمان نۋري كاباكتەپە جانە باسقا دا شەنەۋنىكتەر بولدى.

مەملەكەت باسشىسى بيۋللەتەندى 3279№ داۋىس بەرۋ جاشىگىنە سالدى.

تۇركيا پرەزيدەنتىن مەكتەپ عيماراتىنا جينالعان كوپتەگەن ازاماتتار قارسى الدى.

تۇركيادا 28- مامىر، جەكسەنبىدە رەسپۋبليكا تاريحىندا تۇڭعىش رەت پرەزيدەنت سايلاۋىندا داۋىس بەرۋدىڭ ەكىنشى تۋرى وتۋدە.

قازىرگى مەملەكەت باسشىسى رەجەپ تايي ەردوعان مەن رەسپۋبليكالىق حالىق پارتياسىنىڭ جەتەكشىسى كەمال كىلىچداروعلۋ پرەزيدەنتتىككە ۇمىتكەر.