بايدەن مەن وكىلدەر پالاتاسىنىڭ سپيكەرى ا ق ش مەملەكەتتىك قارىزىنىڭ شەگىنە قاتىستى كەلىسىمگە كەلدى

None
ۆاشينگتون. قازاقپارات - دجو بايدەن تۇلعاسىندا اق ءۇي مەن وكىلدەر پالاتاسىنىڭ سپيكەرى كيەۆين ماككارتي امەريكا مەملەكەتتىك قارىزىنىڭ دەڭگەيىن كوتەرىپ، دەفولتتىڭ الدىن الۋعا كەلىستى، دەپ حابارلايدى قازاقپارات CNN- گە سىلتەمەمەن.

مامىلەنىڭ ءمان-جايى ازىرگە جاريا ەتىلمەدى.

ا ق ش قارجى مينيسترلىگى بۇعان دەيىن ەلدىڭ 5- ماۋسىمدا شوتتارىن تولەۋ ءۇشىن مامىلەسىز اقشا تاۋسىلاتىنىن ەسكەرتكەن بولاتىن.

«ەڭ سوڭعى دەرەكتەرگە سۇيەنە وتىرىپ، ءبىز قازىر كونگرەسس مەملەكەتتىك قارىزدىڭ شەگىن 5- ماۋسىمعا دەيىن كوتەرمەسە نەمەسە توقتاتپاسا، قازىناشىلىقتا ۇكىمەتتىڭ مىندەتتەمەلەرىن ورىنداۋ ءۇشىن رەسۋرستار جەتكىلىكسىز بولادى دەپ باعالايمىز»، - دەپ جازدى يەللەن كونگرەسكە جازعان حاتىندا.

مامىلە پرەزيدەنت دجو بايدەن مەن رەسپۋبليكالىق وكىلدەر پالاتاسىنىڭ سپيكەرى كيەۆين ماككارتي بۇل ماسەلەنى تەلەفون ارقىلى تالقىلاعاننان كەيىن كوپ ۇزاماي جاسالدى. ەكى ساياساتكەر بۇعان دەيىن مامىلەگە قول جەتكىزەتىنىنە سەنىمدى ەكەنىن ايتقان بولاتىن.

«بىرنەشە اپتالىق كەلىسسوزدەردەن كەيىن ءبىز تۇبەگەيلى كەلىسىمگە كەلدىك. بىزدە ءالى دە كوپ جۇمىس بار»، - دەدى ماككارتي جۋرناليستەرگە بەرگەن قىسقاشا مالىمدەمەسىندە.

تاراپتار قول جەتكىزگەن كەز كەلگەن مامىلەنى ا ق ش كونگرەسى قابىلداۋى كەرەك.

سوڭعى جاڭالىقتار