12:50, 28 - مامىر 2023 | GMT +6
گااگادا پوليتسيا مىڭنان استام ەكوبەلسەندىنى ۇستادى
گااگا. قازاقپارات - كليماتتىڭ وزگەرۋىنە قارسى اكسيا اياسىندا «جويىلىپ جاتقاندار كوتەرىلىسى» ۇيىمىنىڭ ەكواكتيۆيستەرى سەنبىدە گااگانىڭ باستى ماگيسترالىن جارتى كۇنگە جاۋىپ تاستادى. بۇعان دەيىن نيدەرلاندى بيلىگى ميتينگ وتكىزۋگە رۇقسات بەرۋدەن باس تارتقان بولاتىن، دەپ حابارلايدى قازاقپارات euronews-كە سىلتەمەمەن.
تىيىم سالىنعانىنا قاراماستان، نارازىلىق ۇيىمداستىرۋشىلارى ءوز جاقتاستارىن ۇكىمەتتىڭ قازبا وتىن كومپانيالارىن سۋبسيديالاۋىن توقتاتۋعا باعىتتالعان دەمونستراتسياعا شىعۋعا شاقىردى.
ەكوبەلسەندىلەر تاراۋدان باس تارتقاننان كەيىن پوليتسيا سۋ شاشقىشتاردى ىسكە قوسىپ، نارازىلىق بىلدىرۋشىلەردى پوليتسيا فۋرگوندارىمەن جولدان تاراتتى.
مىڭنان استام ادام قاماۋعا الىندى. 850 ادام قازىردىڭ وزىندە ايىپ تاعىلماستان بوساتىلدى. ۇستاۋ كەزىندە بىرنەشە دەمونسترانت جەڭىل جاراقات الدى.