قازاقستانعا ا ق ش، ۇلى بريتانيا، جاپونيا جانە كورەيادان ب ا ق وكىلدەرى شاقىرىلدى

استانا. قازاقپارات - قازاقستان تۋريزم دەستيناتسيا رەتىندە تانىمال باعىتقا اينالۋدا. بۇنى ءىرى شەتەلدىك ب ا ق- تىڭ قازاقستاندى ءوز باسىلىمدارىندا اتاپ ءوتۋى جانە ەلىمىزدىڭ تۋريزم سالاسىنداعى ءتۇرلى حالىقارالىق پرەميالارعا يە بولۋى ايقىندايدى، دەپ حابارلايدى قازاقپارات.

وسىنداي جەتىستىكتەر شەتەلدىك ب ا ق، ساياحاتشى-بلوگەرلەر، MICE- ءىس-شارالاردى ۇيىمداستىرۋشىلار جانە تۋريزم يندۋسترياسىنىڭ باسقا دا وكىلدەرىن ەلىمىزگە شاقىرۋ ارقاسىندا دا مۇمكىن بولدى.

ءوز كەزەگىندە، «Kazakh Tourism» ۇلتتىق كومپانياسى ءداستۇرلى تۇردە اقپاراتتىق تۋرلار وتكىزەدى. مىسالى، ءساۋىر ايىندا BBC، TripReporter، the Week، National Geographic Traveller، Lonely Planet، Suitcase، Wanderlust جانە ت. ب. ءىرى باسىلىمدارعا جازاتىن بريتاندىق ب ا ق ءۇشىن اقپاراتتىق تۋر ءوتتى.

جاقىندا «مويا پلانەتا» تەلەارناسىنىڭ ءتۇسىرىلىم توبىنىڭ قازاقستاندا العاش رەت ءتۇسىرىلىپ جاتقان «ۆنە زونى دوستۋپا» باعدارلاماسى ساپارى اياقتالدى. ءتۇسىرىلىم الماتى قالاسى مەن الماتى وبلىسىندا 19-25- مامىر ارالىعىندا ءوتتى.

سونداي-اق، بۇل كۇندەرى اقتاۋدا بريتاندىق ب ا ق توبى مەن ءبىر تۋروپەراتور ءجۇردى. ولار - Rooster، BuzzFeed، i paper، Family Traveller وكىلدەرى. اقپاراتتىق تۋر 27- مامىرعا دەيىن جالعاستى.

گولف تۋريزمى بويىنشا 1-6- ماۋسىم ارالىعىندا كورەيادان تۋروپەراتورلار، ب ا ق وكىلدەرى مەن بلوگەرلەردىڭ كەلۋى جوسپارلانۋدا. وندا قاتىسۋشىلار قازاقستاندا تۋريزمنىڭ وسى ءتۇرىن دامىتۋ الەۋەتىمەن تانىسادى. ءباسپاسوز تۋرىنىڭ قورىتىندىسى بويىنشا كورەيانىڭ جەتەكشى تۋروپەراتورلارىنان ارنايى تۋرلار ازىرلەنەدى دەپ كۇتىلۋدە.

سول كۇندەرى 3-4- ماۋسىم ارالىعىندا جاپونيادان استانا مەن اقتاۋ قالالارىنا Tatsumi باسپاسىنىڭ جازۋشىسى كەلەدى دەپ كۇتىلۋدە. Azusa Shiraishi ءوزى اتاپ وتكەندەي: جاپون تىلىندە ورتالىق ازيانى سيپاتتايتىن بىرنەشە عانا ساياحات كۇندەلىكتەرى بار جانە جاپونيانىڭ كوپتەگەن تۇرعىندارى بۇل ايماق تۋرالى جەتكىلىكتى بىلمەيدى. ساپار قورىتىندىسى بويىنشا جاپون تىلىندە 4000 دانا كولەمىندە فوتوسۋرەتتەرى مەن قازاقستان تۋرالى سيپاتتاماسى بار ورتالىق ازيا تۋرالى ساياحات كۇندەلىگى شىعارىلادى.

11-15- ماۋسىم ارالىعىندا قازاقستانعا ۇلى بريتانيا، اۆستريا، بەلگيا، يزرايل، سلوۆەنيا جانە ءۇندىستاننىڭ MICE ءىس-شارالارىنىڭ ۇيىمداستىرۋشىلارى مەن ب ا ق وكىلدەرى كەلەدى. اقپاراتتىق تۋر بارىسىندا جەرگىلىكتى مادەنيەتپەن جانە استانا مەن الماتى قالالارىنىڭ كورىكتى جەرلەرىمەن تانىستىرۋمەن قاتار، قازاقستاننىڭ تۋريستىك سالاسىنىڭ وكىلدەرىمەن كەزدەسۋلەر ۇيىمداستىرۋ جوسپارلانۋدا.

ال 15-21- ماۋسىم ارالىعىندا 8 ادامنان تۇراتىن Society of American Travel Writers دەلەگاتسيالارىنىڭ كەلۋى جوسپارلانۋدا. SATW - ەڭ تاجىريبەلى جۋرناليستەر، فوتوگرافتار، رەداكتورلار، بلوگەرلەردەن، بەينە مەن فيلم، حابار تاراتۋ پروديۋسەرلەرى، ۆەب-سايت يەلەرى، قوعاممەن بايلانىس ماماندارىنان تۇراتىن ا ق ش، كانادا جانە باسقا ەلدەردىڭ قوناقجايلىلىق يندۋسترياسى تۋرالى حابارلايتىن كاسىبي ۇيىم. بۇل ۇيىم 1955-جىلى قۇرىلىپ، 1000 نان استام وكىلدەرىن قامتيدى.

وسى ينفوتۋردىڭ قورىتىندىسى بويىنشا امەريكالىق اۋديتوريا ءۇشىن قازاقستان تۋرالى ءداستۇر مەن مادەنيەت، ونەر، ساۋلەت، ۇلتتىق تاعامدار جانە ت. ب. تۋرالى بۋكلەت ازىرلەنەتىن بولادى.

اتاپ ايتساق بۇل تۋرلار قاتىسۋشىلاردىڭ قۇرامىنا بايلانىستى ءارتۇرلى مىندەتتەردى كوزدەيدى، ءبىراق ولاردىڭ بارلىعىن ورتاق - ەلگە كىرىس تۋريزمىن ىلگەرىلەتۋ ماقساتى بىرىكتىرەدى.