ديماش قۇدايبەرگەن جاڭا ءانىنىڭ شىعۋ تاريحىن ايتىپ بەردى

استانا. قازاقپارات - تانىمال قازاقستاندىق ءانشى ديماش قۇدايبەرگەن ءوزىنىڭ بارشا جانكۇيەرلەرىنە ارناعان «ءومىر» كومپوزيتسياسىنىڭ شىعۋ تاريحىن ايتىپ بەردى، دەپ حابارلايدى قازاقپارات.

ورىنداۋشى Instagram جەلىسىندە جاڭا كومپوزيتسياسى تۋرالى جازبا جاريالادى.

«مەنىڭ «ءومىر» اتتى جاڭا مۋزىكالىق بەينەبايانىمدى كورىپ ۇلگەرگەندەرىڭىزگە سەنىمدىمىن. ول مەنىڭ 25 جىلدىق شىعارماشىلىق ساپارىم تۋرالى، وعان اسەر ەتكەن ادامدار مەن وقيعالار تۋرالى وي جۇگىرتۋ رەتىندە قۇرىلدى.

سونداي-اق، بەينەباياننىڭ رەجيسسەرى عالىم اسىلوۆقا ەكراندا مەنىڭ ويلارىم مەن سەزىمدەرىمدى جەتكىزە العانى ءۇشىن العىسىمدى بىلدىرگىم كەلەدى»، - دەپ جازدى ديماش قۇدايبەرگەن.

ەسكە سالايىق، 24- مامىردا تۋعان كۇنىندە ديماش قۇدايبەرگەن «ءومىر» اتتى جاڭا مۋزىكالىق كومپوزيتسياسىن ۇسىنعان بولاتىن.