ءماسىموۆ مەملەكەتتىك شەكارانى زاڭسىز كەسىپ وتكەنىن مويىندادى
پاۆلودار وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا نۇرلان ءماسىموۆتىڭ ءىسى بويىنشا سوت وتىرىسى ءوتىپ جاتىر. سوت وتىرىسى كەزىندە ول شەكارانى زاڭسىز كەسىپ وتكەنىن مويىنداپ، بۇل «اسا قاجەتتىلىكتەن بولدى» دەپ مالىمدەدى. ايىپتالۋشىنىڭ ايتقانىن جۋرناليستەرگە نۇرلان ءماسىموۆتىڭ ادۆوكاتى دميتري كۋرياچەنكو دا راستادى.
ايتا كەتەيىك، نۇرلان ماسىموۆكە اسا اۋىر سىبايلاس جەمقورلىق قىلمىس جاسادى دەگەن ايىپ تاعىلعان. بۇرىنعى پوليتسەيگە قاتىستى باپتاردىڭ سانكسياسى بويىنشا مۇلكى تاركىلەنىپ، بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان ءومىر بويىنا ايىرىلىپ، 7 جىلدان 15 جىلعا دەيىن باس بوستاندىعىنان ايىرىلادى.
نۇرلان ماسىموۆكە «اسا ءىرى مولشەردە پارا الۋ»، «بوتەننىڭ مۇلكىن اسا ءىرى مولشەردە يەمدەنۋ نەمەسە جىمقىرۋ»، «قازاقستاننىڭ مەملەكەتتىك شەكاراسىن وتكىزۋ پۋنكتتەرىنەن تىس قاساقانا زاڭسىز كەسىپ ءوتۋ» دەگەن ءۇش باپ بويىنشا ايىپ تاعىلۋدا.