11:52, 27 - مامىر 2023 | GMT +6
ماڭعىستاۋدا بوزجىرا شاتقالىنا دەيىن جول سالىنبايتىن بولدى
اقتاۋ. قازاقپارات - ماڭعىستاۋدا بوزجىرا شاتقالىنا دەيىن جول سالىنبايتىن بولدى. ويتكەنى جوباعا بيۋجەتتەن قارجى بولىنبەگەن.
بۇل تۋرالى قاراقيا اۋداندىق اكىمدىگىنەن ءمالىم ەتتى، دەپ حابارلايدى قازاقپارات ءتىلشىسى.
بيىل بوزجىراعا دەيىن ۇزىندىعى 35 شاقىرىمدىق جول سالۋ جوسپارلانعان ەدى. جوبالىق-سمەتالىق قۇجاتىن ازىرلەۋگە 14 ميلليون تەڭگە قاراستىرىلعان.
«جول قۇرىلىسى بەلگىسىز مەرزىمگە كەيىنگە قالدىرىلدى. ويتكەنى بيۋجەتتەن اتالعان جول قۇرىلىسىنا قاراجات بولىنبەگەن» دەلىنگەن مالىمەتتە.
بۇل اقپاراتتى ماڭعىستاۋ وبلىستىق جولاۋشىلار كولىگى جانە اۆتوموبيل جولدارى باسقارماسى راستادى.