ماڭعىستاۋلىق سپورتشى قازاق كۇرەسىنەن ازيا چەمپيونى اتاندى

اقتاۋ. قازاقپارات - ماڭعىستاۋلىق سپورتشى نۇرداۋلەت جارىلعاپوۆ قازاق كۇرەسىنەن ازيا چەمپيونى اتاندى، دەپ حابارلايدى قازاقپارات ءتىلشىسى.

وزبەكستاننىڭ دجيزاك قالاسىندا قازاق كۇرەسىنەن ەرەسەكتەر اراسىندا ازيا چەمپيوناتى ءوتتى. وندا 11 ەلدىڭ سپورتشىلارى باق سىنادى.

ۇلتتىق قۇرامادا ونەر كورسەتكەن ماڭعىستاۋلىق نۇرداۋلەت جارىلعاپوۆ 100+ كەلى سالماق دارەجەسىندە ازيا چەمپيونى اتاندى. نۇرداۋلەت العاشقى بەلدەسۋىندە ءۇندىستاندىق سپورتشىنى جەڭسە، ودان كەيىنگى بەلدەسۋلەرىندە تاجىكستاندىق جانە جاپوندىق سپورتشىدان باسىم ءتۇستى.

ۇلتتىق قۇراما وكىلدەرى جالپىكوماندالىق ەسەپتە ءبىرىنشى ورىنعا يە بولدى.

جالپىكوماندالىق ەسەپ 1- ورىن - قازاقستان (8 التىن، 3 كۇمىس، 4 قولا) ، Ⅱ ورىن - وزبەكستان (7 التىن، 4 كۇمىس، 4 قولا)، Ⅲ ورىن - تاجىكستان (1 التىن، 5 كۇمىس، 1 قولا) الدى.

«قارا بۋرا» لاقاپ اتىمەن تانىلعان ماڭعىستاۋلىق سپورتشى نۇرداۋلەت جارىلعاپوۆتى وبلىستىق سپورت باسقارماسىنىڭ باسشىسى ايبەك يماشيەۆ، وبلىستىق ۇلتتىق ويىندار ورتالىعىنىڭ باسشىسى قايرات بۋرباسوۆ، قازاق كۇرەسى جانە دزيۋدو ب ج س م باسشىسى قابىل بيسەنقۇل جانە باسقا دا سپورت مايتالماندارى كۇتىپ الدى.

بۇعان دەيىن «قارا بۋرا» «سارىارقا باتىرلارى» رەسپۋبليكالىق تۋرنيرىندە دە چەمپيون بولعان ەدى. ال شىلدەدە «قازاقستان بارىسىنا» قاتىسادى.