ارالاس جەكپە-جەك شەبەرى ءالي قابدۋللا بەدەلدى پروموۋشندە نوكاۋتپەن جەڭىسكە جەتتى

استانا. قازاقپارات - قازاقستاندىق سپورتشى ءالي قابدۋللا (8-1-1) بانگكوكتە وتكەن ONE Friday Fights 18 تۋرنيرىندە ونەر كورسەتىپ، قارسىلاسىن نوكاۋتقا جىبەردى، دەپ حابارلايدى قازاقپارات Sports.kz سايتىنا سىلتەمەمەن.

ءالي قابدۋللا برازيليالىق فايتەر ريچارد گودويمەن (15-4) ايقاستى. بۇل جەكپە-جەك جەڭىل سالماقتا ءوتتى، ءۇش راۋندقا ەسەپتەلگەن. وندا قازاقستاندىق تەحنيكالىق نوكاۋتپەن ءۇشىنشى راۋندتا جەڭدى.

ءالي قابدۋللا م م ا- دەگى كاسىبي مانسابىندا توعىزىنشى رەت جەڭىسكە جەتتى، ال ريچارد گودوي بەسىنشى رەت جەڭىلدى. ءالي قابدۋللا سوڭعى ايقاسىن ەكى اي بۇرىن وتكىزگەن بولاتىن: ناۋرىزدا قازاقستاندىق برازيليالىق اليسسون باربوزامەن (20-9) ايقاسىپ، ءۇشىنشى راۋندتا نوكاۋتقا تۇسىرگەن بولاتىن