تەننيس: قازاق قىزى سەربياداعى جارىستىڭ جارتىلاي فينالىنا شىقتى

استانا. قازاقپارات - قازاقستاندىق، الەمنىڭ 447-راكەتكاسى سەربيانىڭ كۋرشۋمليا-بانيا قالاسىندا ءوتىپ جاتقان ITF W15 تۋرنيرىنىڭ جارتىلاي فينالىنا شىقتى، دەپ حابارلايدى قازاقپارات ءتىلشىسى.

قازاقستاندىق تەننيسشى شيرەك فينالدا دۇنيەجۇزىلىك رەيتينگتە 1019-ورىندا تۇرعان سلوۆاكيالىق نينا ۆارگوۆامەن شەبەرلىك بايقاستى.

تارتىستى وتكەن ماتچتا ج. قۇلامبايەۆا ەكى تاي-برەيكتە باسىمدىلىق تانىتتى - 7:6 (7:5)، 7:6 (7:5).

جىبەك قۇلامبايەۆا فينالعا شىعۋ ءۇشىن يتاليالىق دەنيز ۆالەنتە نەمەسە ۇلى بريتانيالىق ەلەانور باگلوۋدىڭ قاي جەڭگەنىمەن تالاسادى.

ەسكە سالا كەتەيىك، بۇدان بۇرىن رولان گارروس تۋرنيرىندە تيموفەي سكاتوۆ ىرىكتەۋ سايىستارىنىڭ فينالىنا وتكەنىن جازعان بولاتىنبىز.

سونداي-اق پاريجدە فرانسيا اشىق چەمپيوناتىنىڭ جەرەبەسى تارتىلدى.