سولتۇستىك قازاقستاندا باقتاشىعا جاي ءتۇسىپ قايتىس بولدى
س ق و پوليتسيا دەپارتامەنتى باسپا ءسوز قىزمەتىنىڭ مالىمەتىنشە، 25- مامىر كۇنى اققايىڭ اۋداندىق پوليتسيا ءبولىمىنىڭ كەزەكشى قىزمەتكەرلەرىنە وسى اۋدانداعى دايىندىق جانە لەنينسكوە اۋىلدارىنىڭ اراسىنداعى القاپتان ەر ادامنىڭ ءمايىتى تابىلعاندىعى تۋرالى تەلەفون ارقىلى حابارلاما كەلىپ ءتۇستى.
31 جاستاعى جىگىت باقتاشى رەتىندە جۇمىسقا ورنالاسىپ، جايىلىمدا اۋىلدىڭ مالىن باققان ەكەن. وعان سول كۇنى جاي تۇسكەنى بەلگىلى بولدى. سالدارىنان ەر ادامنىڭ مىنگەن جىلقىسى دا وقيعا ورنىندا جان تاپسىردى.
وسى دەرەككە قاتىستى تەرگەۋ ارەكەتتەرى جۇرگىزىلۋدە، سوت-مەديتسينالىق ساراپتاما تاعايىندالدى.
بۇعان دەيىن ورالدا ەكى اۆتوكولىكتىڭ سوقتىعىسىپ، 8 جاسار بالانىڭ زارداپ شەككەنىن ايتقان ەدىك. ب ق و پوليتسيا دەپارتامەنتىنىڭ مالىمەتىنشە، وقىس وقيعا تاڭعى 8.00 شاماسىندا بولعان. «رەنو لوگان» اۆتوكولىگى مەن «پريورا» سوقتىعىسىپ، «پريورا» اۆتوكولىگىنىڭ جۇرگىزۋشىسى مەن «رەنو لوگاندا» وتىرعان 8 جاسار بالا اۋرۋحاناعا جەتكىزىلدى.