سيدنەيدەگى تاريحي عيماراتتى جاعىپ جىبەردى دەگەن كۇدىكپەن جاس وسىپىرىمدەر ۇستالدى

سيدنەي. قازاقپارات - سيدنەيدىڭ ورتالىعىندا جەتى قاباتتى عيماراتتا ءورت شىققاننان كەيىن جەرگىلىكتى پوليتسياعا 13 جاسار ەكى جاس ءوسپىرىم كىنالارىن مويىنداپ، بارعان، دەپ حابارلايدى قازاقپارات BBC News كە سىلتەمە جاساپ.

سيدنەيدىڭ ورتالىعىنداعى ءورتتى سوندىرۋگە 100 مامان قاتىستى. ءورت كەزىندە عيماراتتا 15 ادام ۇيىقتاپ جاتقان، 13 ادامنىڭ جەكە باسى انىقتالۋدا. وسى عيماراتقا جاقىن ماڭداعى ءۇيدىڭ كەم دەگەندە 70 تۇرعىنى ۇيلەرىن تاستاۋعا ءماجبۇر بولدى. ولار جەتى كۇن بويى ۇيلەرىنە قايتا المايدى.

پوليتسيا بەرىلگەن جاس وسپىرىمدەر تەرگەۋگە كومەكتەسىپ جاتقانىن راستادى. سونداي-اق، بۇل وقيعاعا باسقا جاس وسپىرىمدەردىڭ قاتىسى بولۋى مۇمكىن.

جاڭا وڭتۇستىك ۋەلستىڭ ءورت-قۇتقارۋ قىزمەتى سەيسەنبىدە ءورت دابىلىنىڭ 10-دەڭگەيىنە جەتكەنىن ءمالىم ەتتى.

عيمارات مۇرالار تىزىمىنە ەنگەن ەدى جانە بۇعان دەيىن مۇندا Henderson Hat فابريكاسى بولعان. ول كوپ جىلدان بەرى بوس تۇردى، ونى قوناقۇيگە قايتا جابدىقتاماقشى بولدى. ورتتەن عيماراتتىڭ جوعارعى قاباتى كوشەگە قۇلاپ ءتۇستى.