يلون ماسكتىڭ كومپانياسى ادام ميىنا ميكروچيپ ورناتۋعا رۇقسات الدى
Neuralink ءوزىنىڭ ميكروچيپتەرى ارقىلى ميدى كومپيۋتەرمەن بايلانىستىرىپ، سال بولىپ قالعان ادامداردىڭ قوزعالىسىن جانە كوزى كورمەيتىندەردىڭ جانارىن قالپىنا كەلتىرۋگە نيەتتى.
كومپانيا ءوز مالىمدەمەسىندە سىناقتارعا قاتىسۋشىلاردى جيناۋدى ءالى جوسپارلاماعانىن اتاپ ءوتتى. Neuralink كومپانياسىنىڭ رۇقسات الۋعا ارنالعان الدىڭعى ءوتىنىمى قاۋىپسىزدىك سەبەپتەرىنە بايلانىستى قابىلدانباعان.
مايمىلداردا سىنالعان چيپ ميدان تارايتىن سيگنالداردى تۇسىندىرۋگە جانە اقپاراتتى Bluetooth ارقىلى قۇرىلعىلارعا جىبەرۋگە ارنالعان.
ءوزىنىڭ Twitter- دەگى رەسمي اككاۋنتىندا Neuralink «ءبىزدىڭ تەحنولوگيامىز ءبىر كۇنى كوپتەگەن ادامعا كومەكتەسۋگە مۇمكىندىك بەرەتىن ماڭىزدى العاشقى قادام» تۋرالى حابارلادى.
«بۇل - Neuralink كومانداسىنىڭ اتالعان باسقارمامەن تىعىز ىنتىماقتاستىقتاعى كەرەمەت جۇمىسىنىڭ ناتيجەسى»، - دەلىنگەن كومپانيا مالىمدەمەسىندە.
كومپانيانىڭ ۆەب-سايتى «قاۋىپسىزدىك، قولجەتىمدىلىك جانە سەنىمدىلىك» باستى باسىمدىقتار بولاتىنىنا سەندىرەدى.
2016-جىلى ماسك نەگىزىن قالاعان كومپانيا جوسپارلارىن بىرنەشە رەت وزگەرتتى. ونىڭ باستاپقى ماقساتى 2020-جىلى ادام ميىنا چيپتەردى ەنگىزۋدى باستاۋ بولدى. كەيىنىرەك كومپانيا 2022-جىلى جۇمىسقا كىرىسۋگە ۋادە بەردى. وتكەن جەلتوقساندا كومپانيا جانۋارلار قۇقىعىن بۇزۋ تۋرالى تەرگەۋ باستالعاننان كەيىن تاعى ءبىر ساتسىزدىككە ۇشىرادى.
Neuralink- ءتىڭ ا ق ش بيلىگىنەن الىنعان ادامعا ەكسپەريمەنت جۇرگىزۋدى ماقۇلداۋ تۋرالى حابارلاندىرۋى شۆەيتساريالىق زەرتتەۋشىلەردىڭ مي يمپلانتتارىن قولدانۋداعى وسىنداي سەرپىلىس تۋرالى سوڭعى جاڭالىقتارىنان كەيىن پايدا بولدى.
ايتا كەتسەك، سال اۋرۋىنا شالدىققان نيدەرلاندىق ازامات تابانى مەن اياعىنا سىمسىز جىبەرىلگەن يمپلانتاتتار جۇيەسىنىڭ ارقاسىندا، ياعني تەك ويلاۋ ارقىلى ءجۇرىپ-تۇرا الدى.