بازار ارالاۋ ايەلدەردى كۇيزەلىسكە ۇشىراتادى

استانا. قازاقپارات- دۇكەندەردى ارالاۋ مەن جاڭا ۇلگىدەگى كيىم-كەشەكتەردى ساتىپ الۋ ايەلدەردىڭ جۇيكە جۇيەسى مەن كوڭىل كۇيىنە وڭ اسەر ەتەتىنى جايلى عالامتوردا ءجيى ايتىلاتىن. ءبىراق شەتەلدىك زەرتتەۋشىلەر مۇنىڭ ءبارىن جوققا شىعارىپ وتىر.

Tengrinews.kz ينتەرنەت پورتالىنىڭ حابارلاۋىنشا، دۇكەندەردى ارالاۋ ايەل ادامداردى كۇيزەلىسكە ۇشىراتادى. ماماندار ونى انىقتاۋ ءۇشىن ەكى مىڭ ايەلگە ساۋالناما جۇرگىزگەن. ناتيجەسىندە ولاردىڭ تەڭ جارتىسى ساۋدا بۋتيكتەرىنەن شىققاننان كەيىن وزدەرىنىڭ سىركەسى سۋ كوتەرمەيتىن حالگە جەتەتىندىگىن ايتقان. ولارعا اسىرەسە تاۋارلاردىڭ قىمبات باعاسى مەن ساتۋشىلاردىڭ وركوكىرەكتىكتەرى قاتتى اسەر ەتەتىن كورىنەدى. ال ءاربىر ءۇشىنشى ايەل كاسسالارداعى كەزەكتەر مەن كيىمدەردى تاڭداۋ كەزىندە ءجيى كەزدەسەتىن پروبلەمالاردىڭ پسيحولوگيالىق قىسىم جاسايتىنىن مويىنداعان.

مامانداردىڭ ايتۋىنشا، دەنە پىشىندەرى ستاندارتقا ساي كەلمەيتىن ايەلدەر دۇكەن ارالاۋدا كۇيزەلىسكە ءجيى ۇشىرايدى. سونداي-اق ايەلدەردىڭ 44 پايىزى - دۇكەندەردە وزدەرىن جايسىز سەزىنەتىنىن، ال ءاربىر ونىنشىسى وزىنە قاجەت كيىمنىڭ ءدال ولشەمى تابىلمايتىنىن ايتقان. سونىمەن قاتار ساۋالناماعا قاتىسقانداردىڭ 37 پايىزى كيىم-كەشەكتەردى كيىپ كورۋدەن ۇيالاتىنىن مويىنداسا، 15 پايىز ايەل كيىم تاڭداۋدا قينالىپ، ءتىپتى جىلايتىنىن ايتقان ەكەن.