ادام ءولتىردى دەگەن كۇدىكتى گەرمانيادان ەكستراديتسيالاندى

None
استانا. قازاقپارات - گەرمانيا فەدەراتيۆتىك رەسپۋبليكاسىنىڭ ۇكىمەتى ءوزارا تۇسىنىستىك قاعيداتى بويىنشا قازاقستان رەسپۋبليكاسى باس پروكۋراتۋراسىنىڭ ادام ولتىرۋگە كۇدىكتى ازاماتتى ۇستاپ بەرۋ تۋرالى سۇراۋ سالۋىن قاناعاتتاندىردى، دەپ حابارلايدى قازاقپارات باس پروكۋراتۋراعا سىلتەمە جاساپ.

قىلمىس 2017 -جىلى ورال قالاسىنداعى اۆتوتۇراق اۋماعىندا جاسالعان. جانجال كەزىندە كۇدىكتى جابىرلەنۋشىگە 7 رەت پىشاق جاراقاتىن كەلتىرىپ، جابىرلەنۋشى سونىڭ سالدارىنان قايتىس بولعان. بۇل قىلمىستى جاساعاننان كەيىن كۇدىكتى قىلمىستىق قۋدالاۋ ورگاندارىنان جاسىرىنعان، سول سەبەپتى وعان قاتىستى حالىقارالىق ىزدەۋ جاريالاندى.

بۇگىن باس پروكۋراتۋرانىڭ، ىشكى ىستەر مينيسترلىگىنىڭ قىزمەتكەرلەرى سىرتقى ىستەر مينيسترلىگىنىڭ كومەگىمەن كۇدىكتىنى قىلمىستىق جاۋاپتىلىققا تارتۋ ءۇشىن قازاقستانعا ەكستراديتسيالادى. قازىرگى ۋاقىتتا ول استانا قالاسىنىڭ تەرگەۋ يزولياتورىنا قامالدى. جوعارىدا اتالعان قىلمىستى جاساعانى ءۇشىن ول 8 جىلدان 15 جىلعا دەيىن باس بوستاندىعىنان ايىرىلۋى مۇمكىن.

ايتا كەتۋ كەرەك، گەرمانيانىڭ كەزەكتى كۇدىكتى ادامدى قازاقستانعا بەرگەنى ەلدەرىمىز اراسىنداعى سەنىمنىڭ جوعارى دەڭگەيىن كورسەتەدى.

سوڭعى جاڭالىقتار