اقمولالىق وقۋشىلار قول گەنەراتورىن قۇراستىردى
وقۋشىلاردىڭ سوزىنشە، دالاعا، تابيعات اياسىنا شىققاندا تەلەفوندى نەمەسە باسقا دا قۇرىلعىنى ەلەكتر جەلىلەرى بولماعان جاعدايدا زاريادتاۋعا بولادى.
«ينفورماتيكا ءپانىنىڭ مۇعالىمى ارتەم سيمبالدىڭ جەتەكشىلىگىمەن ءبىز مەحانيكالىق تۇتقانى پايدالانىپ، كەز كەلگەن ۇساق قۇرىلعىنى زاريادتاۋعا مۇمكىندىك بەرەتىن قول گەنەراتورىن جاساپ، قۇراستىردىق. بۇل قۇرىلعىنىڭ تاسىمالدانۋىن ەسكەرە وتىرىپ، ونى الىس قاشىقتىققا وڭاي تاسىمالداۋعا بولادى جانە شۇعىل نەمەسە توتەنشە جاعدايلاردا بايلانىسسىز قالاتىنىنان قورىقپايسىز»، - دەپ ءبولىستى وقۋشىلار.
سونىمەن بىرگە، اتالمىش وقۋشىلار بىشكەك قالاسىندا وتكەن «ءبىز ⅩⅩ عاسىردىڭ زيالىلارىمىز» حالىقارالىق بايقاۋىنا قاتىستى. بۇل بايقاۋعا قىرعىزستان، رەسەي جانە قازاقستاننان بارعان وقۋشىلاردىڭ 200 گە جۋىق جۇمىستارى ۇسىنىلدى.
بايقاۋدا جۋراۆليەۆ ماكسيم مەن ءاشىموۆ اسانالىنىڭ «قول گەنەراتورى» جوباسى «جاڭا تەوريالىق ازىرلەمەلەر مەن مودەلدەر» اتالىمىندا جۇلدەلى ءۇشىنشى ورىنعا يە بولدى.
ايتا كەتسەك، بۇدان بۇرىن اقمولا وبلىسىندا بالالاردىڭ جازعى دەمالىسى قالاي ۇيىمداستىرىلاتىن جازعان ەدىك.