قازاقستان ەۋرازيالىق ونەركاسىپتىك كووپەراتسيا ورتالىعى رەتىندە ارەكەت ەتۋگە دايىن - مەملەكەت باسشىسى
«قازىرگى گەوساياسي جاعدايدا قازاقستان ءوزىنىڭ گەوگرافياسى مەن مۇمكىندىكتەرىن ەسكەرە وتىرىپ، ەۋرازيالىق ونەركاسىپتىك كووپەراتسيانى دامىتۋ ورتالىعى رەتىندە ارەكەت ەتۋگە دايىن. بۇل ەلەكتروموبيلدەر، ماگيسترالدىق لوكوموتيۆتەر، ۆاگوندار، اۋىلشارۋاشىلىق جانە جەڭىل تەحنيكالار، قۇرىلىس ماتەريالدارى مەن حيميالىق ونىمدەر شىعاراتىن بىرلەسكەن كاسىپورىندار بولۋى مۇمكىن»، - دەدى پرەزيدەنت.
مەملەكەت باسشىسى قازاقستان ينتەگراتسيا اياسىندا قارا جانە ءتۇستى مەتالداردىڭ كەن ورىندارىن يگەرۋ جانە دايىن ءونىمدى ودان ءارى وڭدەۋ، ءوندىرۋ باعىتىندا بىرلەسكەن جوبالاردى ىسكە اسىرۋعا دايىن ەكەنىن اتاپ ءوتتى.
كەڭەيتىلگەن كەڭەستىڭ وتىرىسىنا قازاقستان پرەزيدەنتىمەن قاتار رەسەي فەدەراتسياسىنىڭ پرەزيدەنتى – ج ە ە ك ءتوراعاسى ۆلاديمير پۋتين، ارمەنيا پرەمەر-ءمينيسترى نيكول پاشينيان، بەلارۋس پرەزيدەنتى الەكساندر لۋكاشەنكو، قىرعىزستان پرەزيدەنتى سادىر جاپاروۆ، سونداي-اق ازەربايجان پرەزيدەنتى يلحام اليەۆ قاتىساتىنى حابارلانعان بولاتىن.