ءاليحان سمايىلوۆ: جازعى دەمالىس كەزىندە اۋىل بالالارىنا دۇرىس كوڭىل بولىنبەيدى

None
Фото: t.me/Kzgovernment
استانا. قازاقپارات - پرەمەر- مينيستر ءاليحان سمايىلوۆ بالالاردىڭ جازعى دەمالىسى كەزىندە اۋىل بالالارىنا دۇرىس كوڭىل بولىنبەيدى، دەپ حابارلايدى قازاقپارات ءتىلشىسى.

«وڭىرلەردە بالالاردىڭ جازعى دەمالىسى مەن بوس ۋاقىتتارىن ءتيىمدى وتكىزۋ ءىسى كوپ جاعدايدا فورمالدى تۇردە جۇرگەزىلەدى. اسەرلى، ماعىنالى ءىس- شارالار از. كوبىنە ساپاسى سىن كوتەرمەيدى» ، - دەدى دەدى ۇكىمەت باسشىسى.

سونداي- اق، ول اكىمدىكتەر بۇل باعىتتاعى جۇمىسى سىلبىر ەكەنىن ايتتى.

«اۋىل بالالارىنا دا قاجەتتى دەڭگەيدە كوڭىل بولىنبەيدى. بۇل ورايدا، اكىمدىكتەر تاراپىنان ءتيىستى جۇمىس كولەمى جەتكىلىكسىز ەكەنىن اتاپ ءوتۋ كەرەك.

جالپى بالالاردىڭ جازعى دەمالىسىن ۇيىمداستىرۋ كەزىندە كوپتەگەن ماڭىزدى ماسەلەلەردى ەسكەرۋ قاجەت.

اسىرەسە، بالالارعا ارنالعان بۇقارالىق ءىس- شارالار، سونىڭ ىشىندە قورىتىندى ەمتيحاندار بەكىتىلگەن كەستەگە سايكەس ساپالى ءوتۋى ءتيىس» ، - دەدى ول.

پرەمەر- مينيستر ءاليحان سمايىلوۆ ۇكىمەت وتىرىسىندا اۋىل بالالارىنىڭ جازعى دەمالىسى قالاي ۇيىمداستىرىلۋى كەرەكتىگىن ايتتى.

«جازعى دەمالىستا بالالاردىڭ قاۋىپسىزدىگى باستى نازاردا بولۋى كەرەك. ىشكى ىستەر، توتەنشە جاعدايلار، وقۋ- اعارتۋ، دەنساۋلىق ساقتاۋ مينيسترلىكتەرى، ءوڭىر اكىمدەرى ءتيىستى قىزمەتتەردىڭ تۇراقتى جۇمىسىن قامتاماسىز ەتۋى قاجەت.

اكىمدەر جاز ايلارىندا وقۋ ورىندارىنداعى قاۋىپسىزدىك جۇيەلەرىن جاڭعىرتىپ، جابدىقتاۋ جۇمىستارىن كۇشەيتۋى ءتيىس» ، - دەدى ءاليحان سمايىلوۆ.

پرەمەر- مينيستر جەرگىلىكتىتى اكىمدىكتەرگە الەۋمەتتىك وسال توپتاعى بالالاردىڭ جازعى دەمالىسىن ساۋىقتىرۋ شارالارىمەن سەلبەستىرۋدى تاپسىردى.

«اۋىل بالالارىنىڭ بوس ۋاقىتىن ءتيىمدى وتكىزۋ ەرەكشە نازاردا بولۋى كەرەك. ولار ءۇشىن سپورت الاڭدارى مەن دامۋ ورتالىقتارىن جابدىقتاپ، ويىن- ساۋىق، مادەني ءىس- شارالاردى ۇيىمداستىرۋ قاجەت»، - دەدى ول.


سوڭعى جاڭالىقتار