مينيستر وقۋ جىلىنىڭ نەلىكتەن ۇزارتىلعانىن ءتۇسىندىردى

استانا. قازاقپارات – ق ر وقۋ-اعارتۋ ءمينيسترى عاني بەيسەمبايەۆ بيىلعى وقۋ جىلىن قورىتىندىلادى، دەپ حابارلايدى قازاقپارات ءتىلشىسى.

«وقۋ جىلىنىڭ اياقتالۋىنا ساناۋلى كۇندەر قالدى. مينيسترلىك الدىندا تۇرعان ماڭىزدى مىندەتتەردىڭ ءبىرى - بيىلعى وقۋ جىلىن تابىستى اياقتاۋ جانە بالالاردىڭ جازعى دەمالىسى مەن ساۋىقتىرۋىن ساپالى ۇيىمداستىرۋ، ءارى قاۋىپسىزدىگىن تولىق قامتاماسىز ەتۋ»، - دەدى مينيستر ۇكىمەت وتىرىسىندا.

بيىلعى جاڭالىق - ەلىمىزدە وقۋ جىلى 34 اپتادان 36 اپتاعا دەيىن ۇزارتىلدى. وسىعان سايكەس وقۋ جىلى 31-مامىردا اياقتالادى.

«بۇل شەشىمنىڭ باستى سەبەپتەرى: بالالاردىڭ وتباسىندا كوبىرەك ۋاقىت وتكىزۋىنە قاتىستى اتا- انا وتىنىشتەرىنىڭ ەسكەرىلۋىنە بايلانىستى 5 كۇندىك وقۋ اپتاسىنا كوشۋ؛ وقۋشىلارعا جۇكتەمەنى ازايتۋ جونىندەگى ساراپشىلار ۇسىنىسى؛ وقۋ اپتاسىنىڭ ۇزاقتىعىن ەكونوميكالىق ىنتىماقتاستىق جانە دامۋ ۇيىمىنىڭ ستاندارتتارىنا سايكەستەندىرۋ. الەمدىك تاجىريبەگە نازار اۋدارساق، ە ى د ۇ ەلدەرىندە وقۋ جىلى 40 اپتانى قۇرايدى»، - دەپ ءتۇسىندىردى ع. بەيسەمبايەۆ.

ونىڭ ايتۋىنشا، الەم وقۋشىلارى جازعى كانيكۋلدا 77 كۇن عانا دەمالسا، ەلىمىزدىڭ وقۋشىلارى ءۇشىن 13 اپتا نەمەسە 90 كۇن دەمالىس بەلگىلەنگەن.