قۇراما شتاتتاردا دەفولت بولمايدى
«رەيتەر» اگەنتتىگىنىڭ حابارلاۋىنشا، بۇل جاعداي جەرگىلىكتى بيلىك وكىلدەرى اراسىندا بىرنەشە اپتا تالقىلانىپ كەلەدى. كۇن تارتىبىندە مەملەكەتتىك قارىز شەگىن كوتەرۋ ماسەلەسى تۇر. دەموكراتتار كاسىپورىندار مەن ازاماتتارعا قاتىستى سالىق مولشەرىن كوبەيتۋ كەرەك دەپ وتىر. رەسپۋبليكالىقتار بۇعان ءۇزىلدى- كەسىلدى قارسى.
ەستەرىڭىزدە بولسا، جەرگىلىكتى قارجى مينيستىرلىگى ا ق ش- تىڭ قارجى جۇيەسى ماۋسىمنىڭ 1- كۇنى دەفولتقا ۇشىراۋى مۇمكىن دەپ مالىمدەگەن ەدى.
كارين جان- پەر، اق ءۇيدىڭ رەسمي وكىلى:
- پرەزيدەنت پەن ماككارتي كەشە دەفولتتان قۇتىلۋ جولدارىن، ەكونوميكامىزدىڭ داعدارىسقا ۇشىراۋىن بولدىرماۋ ءۇشىن ناتيجەلى كەزدەسۋ جۇرگىزدى. ءبىراق ارينە، مەملەكەتتىك قارىزعا قاتىستى تۇيتكىل كوپ. الايدا ەكەۋى دە دەفولت بولمايتىنىن راستادى. بۇل جاعدايدان قۇتىلۋدىڭ جالعىز جولى پروبلەمانى جان- جاقتى قاراستىرۋ جانە ەكى جاقتى بيۋدجەتتىك كەلىسىمگە قول جەتكىزۋ.
www.24.kz