ديماش «ءومىر» اتتى جاڭا بەينەكليپىن جاريالادى - ۆيدەو
ءاندى بارشا جانكۇيەرلەرگە ارناعان، دەپ حابارلايدى قازاقپارات dimashnews.com سايتىنا سىلتەمە جاساپ.
«ءومىر» - ديماش قۇدايبەرگەننىڭ تەرەڭ دە اسەرلى كومپوزيتورلىق تۋىندىسى. وندا ءارتىس ءوز-وزىمەن ىشتەي مونولوگ جۇرگىزىپ، ءومىردى كەزەڭ-كەزەڭگە سۇرىپتاپ، سول تۋرالى اڭگىمەلەيدى.
بەينەبايان MOOD video جانرىندا تۇسىرىلگەن.
كليپتى قاراۋ كەزىندە كورەرمەن پروەكتورى بار كىشكەنتاي قاراڭعى بولمەگە كوشەدى. وندا ديماشپەن بىرگە ونىڭ ومىرىندەگى ەڭ جارقىن ساتتەردى تاماشالايدى: الاڭسىز بالالىق شاق، مۋزىكالىق بايقاۋلار، «ى am Singer» بايقاۋىنداعى جەڭىسى، ونىڭ سۇيىكتى Dears، قىزىقتى ادامدارمەن تانىستىق جانە ۇمىتىلماس كونتسەرتتەرى تۋرالى…
«ءومىر» - اۋەنى دە، ءسوزى دە مەنىڭ ىشكى دۇنيەمنەن العاش شىققان تۋىندى. مەنىڭ تۋعان كۇنىمە ارنالعان شىعارما. ونى سۋ بەتىندەگى الاپات تولقىندارعا، ىزعارلى داۋىلعا قارسى تۇرۋىما ىقپال ەتكەن بارشا تىڭدارمانىما ارنايمىن. بۇل تۋىندى مەنىڭ ءومىرىم تۋرالى»، - دەپ ءبولىستى ءارتىس.
ەسكە سالايىق، 24-مامىردا ديماش قۇدايبەرگەن تۋعان كۇنىن اتاپ ءوتتى. ءارتىس 29 جاسقا تولدى. بۇگىن نيۋ- يورك قالاسىنداعى تايمس-سكۆەر الاڭىندا ۇلكەن ەكراننان د. قۇدايبەرگەننىڭ فوتولارى كورسەتىلدى.
سونداي-اق استانا قالاسىنداعى ءزاۋلىم عيماراتتاردىڭ ءبىرىنىڭ سىرتىندا ديماش تۋرالى ۆيدەوروليك كورسەتىلدى. قۇتتىقتاۋدى Jibek Joly تەلەارناسى دايىنداعان.