قازاقستاننىڭ قاي وڭىرلەرىندە فاستفۋد ايتارلىقتاي قىمباتتادى

استانا. قازاقپارات - ساۋىردە فاستفۋد قىزمەتتەرىنىڭ قۇنى ءبىر ايدا 0,4 پايىز، ال جىلدىق ماندە 15,9 پايىز كوتەرىلدى، دەپ حابارلايدى قازاقپارات ۇلتتىق ستاتبيۋروعا سىلتەمە جاساپ.

ءبىر ايدا باعا ايتارلىقتاي سولتۇستىك قازاقستان وبلىسىندا ءوستى - 5,7 پايىز.

باعا ءوسىمى بويىنشا ۇشتىككە جامبىل (4 پايىز) مەن جەتىسۋ (2,2 پايىز) وبلىستارى دا كىردى.

ءبىر جىلدىق ماندە وڭىرلەر اراسىندا باعا باتىس قازاقستان (47,2 پايىز) جانە سولتۇستىك قازاقستان (44,4 پايىز) وبلىستارى، شىمكەنت قالاسىندا (37,9 پايىز)، سونداي-اق اتىراۋ (33,8 پايىز) جانە جامبىل (33,7 پايىز) وبلىستارىندا قاتتى قىمباتتادى.

ەڭ تومەنگى جىلدىق باعا ءوسىمى تۇركىستان (6,4 پايىز) جانە قىزىلوردا (6,3 پايىز) وبلىستارىندا تىركەلدى.