استانادا سالىنىپ جاتقان عيمارات ماڭىندا جارىلىس بولدى

استانا. قازاقپارات - استانالىقتار «حان شاتىر» ويىن-ساۋدا ورتالىعىنىڭ ماڭىندا سالىنىپ جاتقان كوپقاباتتى ءۇيدىڭ اۋماعىندا بىرنەشە جارىلىس بولعانىن ايتتى، - دەپ حابارلايدى قازاقپارات.

تۇرعىندار العاشقى جارىلىستى 16:28 شاماسىندا سەزگەن. ودان كەيىن تاعى ەكى جارىلىس بولعان. مۇحامدەحانوۆ كوشەسى، 4b بويىندا سالىنىپ جاتقان كوپقاباتتى ءۇيدىڭ اۋماعىندا قارا ءتۇتىن شىعىپ جاتقانى كورىنەدى.

توتەنشە جاعدايلار دەپارتامەنتىنىڭ باسپا ءسوز قىزمەتى وكىلدەرى بۇل اقپاراتتى راستادى.

]ساعات 16:28 دە نۇر اۋدانىندا مۇحامەتحانوۆ كوشەسى، 4b بويىندا جاڭادان سالىنعان نىساندا ءورت شىقتى. ەلوردالىق ءورت سوندىرۋشىلەر كەلگەن سوڭ 6 مينۋتتان كەيىن 3 گاز باللونى جارىلعانى، 15 رۋلون شاتىر ماتەريالى جانىپ جاتقانى انىقتالدى. ءورت سوندىرۋشىلەر ءورتتى ساعات 16:45 تە اۋىزدىقتادى»، - دەپ حابارلادى ت ج د وكىلدەرى.

وقيعا ورنىنا 19 قۇتقارۋشى مەن 4 تەحنيكا اتتاندى.