الماتىدا مەكتەپ ءبىتىرۋ كەشى قالاي وتەدى
وڭىرلىك كوممۋنيكاتسيالار قىزمەتىنىڭ الاڭىندا وتكەن باسپا ءسوز ءماسليحاتى بارىسىندا الماتى قالاسى ءبىلىم باسقارماسى باسشىسىنىڭ ورىنباسارى جانات ايتپايەۆا مەكتەپ اكىمشىلىگى مەن مۇعالىمدەرگە سىيلىق رەتىندە اقشا جيناۋعا تىيىم سالىنعانىن ەسكە سالدى.
«ءبىلىم باسقارماسى پەداگوگيكالىق ادەپتى ساقتاۋ جانە سىبايلاس جەمقورلىق قۇقىق بۇزۋشىلىقتاردىڭ الدىن الۋ ماقساتىندا سىنىپ ساعاتتارى مەن جۇرگىزۋشىلەردى، ديپلومدار مەن سەرتيفيكاتتاردى سالتاناتتى تۇردە تاپسىرۋ كەزىندە ءىس- شارالاردى وتكىزۋگە اتا- انالاردان قاراجات جيناۋعا، انيماتورلاردى، مەرەكەلىك اگەنتتىكتەردى تارتۋعا جول بەرىلمەيتىنىن اتاپ وتەدى. سونىمەن قاتار، مەكتەپ اكىمشىلىگى مەن مۇعالىمدەرگە سىيلىق رەتىندە قاراجات جيناۋعا تىيىم سالىنادى»، - دەدى ءبىلىم باسقارماسى باسشىسىنىڭ ورىنباسارى.
بيىل وقۋ جىلىن 28 مىڭنان استام 9-سىنىپ جانە 14 مىڭنان استام 11-سىنىپ وقۋشىلارى بىتىرۋدە.
9-سىنىپ وقۋشىلارى ءۇشىن ءبىتىرۋ ەمتيحاندارى 2-13-ماۋسىم ارالىعىندا، ال 11-سىنىپ بىتىرۋشىلەر ءۇشىن مەملەكەتتىك ءبىتىرۋ ەمتيحاندارى 5-19-ماۋسىم ارالىعىندا وتەدى.
ۇلتتىق ءبىرىڭعاي تەستىلەۋ (ۇ ب ت) 18-مامىردان 5-شىلدەگە دەيىن ءال -فارابي اتىنداعى قاز ۇ ۋ بازاسىندا وتەدى.