قارجى پيراميداسىن ۇيىمداستىرۋشىلار ۇستالدى

ورال. قازاقپارات – ق م ا اۋماقتىق دەپاراتمەنتى باتىس قازاقستان وبلىسىندا جەكە تۇلعالاردان % 24- دان % 54- عا دەيىنگى مولشەردە تولەمدەر بەرۋ ۋادەسىمەن قاراجات تارتقان «Life is good» جانە «Hermes» قارجى (ينۆەستيتسيالىق) پيراميدالارىن ۇيىمداستىرعان كۇدىكتى تۇلعالارعا قاتىستى قىلمىستىق ءىستى تەرگەۋدە، دەپ حابارلايدى قازاقپارات.

تارتىلعان قاراجات كولەمى 120 ميلليون تەڭگەنى قۇرادى. قازىرگى ۋاقىتتا قارجىلىق پيراميدانى ۇيىمداستىردى دەگەن كۇدىككە ىلىنگەن ايەل ۇستالىپ، سوتتىڭ سانكتسياسىمەن ەكى اي مەرزىمگە قاماۋعا الىندى.

سوتقا دەيىنگى تەرگەپ- تەكسەرۋ جالعاسۋدا.

«ەگەر ءسىز جانە ءسىزدىڭ جاقىندارىڭىز قارجى پيراميداسىنىڭ ارەكەتىنەن زارداپ شەكسە، ҚМА саll -ورتالىعىنا حابارلاسىڭىز»، - دەپ جازدى ۆەدومستۆودان.

ەسكە سالايىق، قارجىلىق مونيتورينگ اگەنتتىگى قارجى پيراميداسى رەتىندە ارەكەت ەتەدى دەگەن كۇدىككە ىلىنگەن، سونداي- اق سوت ۇكىمى شىققان ۇيىمداردىڭ كەڭەيتىلگەن ءتىزىمىن جاريالادى.