قىزىلوردالىق وقۋشى جاڭا ماتەماتيكالىق كەستە ويلاپ تاپتى
زەرتتەۋ جۇمىسىنىڭ ناتيجەسىندە ۇلتتىق زياتكەرلىك مەنشىك ينستيتۋتى تالابىنا ساي جاس اۆتور روزا سادىق پەن جەتەكشىسى عابيدەن تولەباي ۇلىنا كۋالىك بەرىلدى. اتالمىش كەستە «روزا - ولشەم بىرلىكتەر كەستەسى» دەپ رەسمي اتالدى.
جاس ونەرتاپقىش قىزىلوردا قالاسىنداعى №5-مەكتەپ-ليتسەيىندە ءبىلىم الادى. بۇل جاڭالىق «زەردە» رەسپۋبليكالىق عىلىمي- زەرتتەۋ جوبالارى كونكۋرسىنىڭ رەسپۋبليكالىق كەزەڭىندە ۇزدىك دەپ تانىلدى. اتالمىش بايقاۋدا وعان گران- پري بەرىلدى.
«جوبانىڭ باستى جاڭالىعى - ماتەماتيكالىق ولشەم بىرلىكتەرمەن جۇمىس جاساۋدىڭ ادىستەمەلىك كەستەسىن ەسەپتەر شىعارۋ بارىسىندا قولدانۋ بولىپ تابىلادى. ماتەماتيكانى وقىتۋدىڭ ادىستەمەسىن جەتىلدىرەتىن بۇل جاڭا كەستە بۇگىندە ءبىلىم بەرۋ ۇيىمدارىندا ساباق پروتسەسىندە قولدانىلىپ كەلەدى»، - دەدى جەتەكشىسى عابيدەن تولەباي ۇلى.
ايتا كەتسەك، ءبىلىم باسەكەسىندە قىزىلوردالىق وقۋشىنىڭ ەڭبەگى 600 گە جۋىق قاتىسۋشىنىڭ اراسىنان وزىق شىقتى.